Гадаадын иргэн, харьяатын газар системээ шинэчлэн, манай улсад албан болон хувийн хэргээр түр ирэгч гадаадын иргэний визийн хугацаа сунгах, шилжүүлэг хийх хүсэлтийг энэ сарын 11-ний өдрөөс immigration.gov.mn сайтаар хүлээн авна.

Тодруулбал, E-visa.mn системээр үзүүлж байсан визийн хугацаа сунгах, шилжүүлэг хийх үйлчилгээг зогсоож, үйлчилгээний шинэ систем (isf.mn)-ээр хүсэлтийг авах юм.

Үүний тулд гадаадын иргэн, түүнийг уригч иргэн болон аж ахуйн нэгж байгууллагууд тус цахим үйлчилгээг сонгохдоо “Виз” цэс рүү нэвтэрч, хүсэлтээ илгээнэ. Уригч аж ахуйн нэгж, байгууллага нь эрх бүхий байгууллагаас олгосон тоон гарын үсгээр, гадаадын иргэн бол цахим хаягаар бүртгэл үүсгэж тус тус нэвтрэх боломжтой. 

Хүсэлтийг хянаж, зөвшөөрсөн тохиолдолд гадаадын тухайн иргэн эсвэл түүний итгэмжлэгдсэн төлөөлөгчид цахим шуудангаар QR code бүхий хариу очих аж.

Эх сурвалж: Гадаадын иргэн, харьяатын газар