Хүүхэд алга болсон газраас 25 км-т эрлийг үргэлжлүүлж байна.

Тариалан сумын Баянхошуу 5 дугаар багийн “Сайхан мод” гэдэг газар сураггүй алга болсон 2 настай хүүхдийн эрлийг ажиллагаа үргэлжилж байна.

Эрлийг Гамшгаас хамгаалах Улсын хяналтын ахлах байцаагч, дэд хурандаа Л.Бямбасүрэнгээр ахлуулсан Онцгой байдлын газар, Цагдаагийн газрын алба хаагчид, Тариалан сумын мэргэжлийн анги, төрийн албан хаагчид, ар гэрийнхний хамтаар хүүхэд алга болсон газраас зүүн хойд зүгт 25 км-т Нялуугийн хаш гэдэг газарт зохион байгуулж байна.

Харин холоос ирсэн сайн дурынхныг буцаасан гэж ОБЕГ мэдээлэв. Гэвч зарим иргэн нүүр номдоо, хүүхдийг хамаатны айлаас нь оллоо гэж ташаа мэдээлэл түгээжээ. Хүүхэд энэ сарын 16-нд алга болсон юм.