• Азийн хөл бөмбөгийн холбооны "AFC Cup" тэмцээний хэсгийн тоглолт Монголд болж байна
• Тэмцээнд Монголын FC Ulaanbaatar клуб оролцож байна
• FC Ulaanbaatar тэмцээний анхны хожлоо авлаа

Азийн хөл бөмбөгийн холбооны "AFC Cup" тэмцээний хэсгийн шатны тоглолтууд Монгол улсад үргэлжилж байна. Тус тэмцээнд Монгол Улсыг төлөөлөн оролцож буй "FC Ulaanbaatar" клуб хэсгийн эхний тоглолтдоо хожлоо.

Монголын Үндэсний дээд лигийн аваргын цомыг хоёр дахь удаа өргөж олон улсын тэмцээний эрх авсан FC Ulaanbaatar баг Тайванийн "Tainan City" багийг 3-1 харьцаагаар хожсон юм. "AFC Cup" тэмцээнд өмнө монгол багууд тоглож байсан ч анх удаа хэсгийн шатанд хожсон нь FC Ulaanbaatar болов.

• "Би олон орны хөл бөмбөгчдийг дасгалжуулсан. Монгол хүүхдүүд хурдаараа илүү юм"
• "Дэлхийн аваргын цомыг өргөсөн тамирчин ирсэн нь Монгол хүүхдүүдийн мөрөөдлийн галыг бадраалаа"

Монголын багаас Г.Бат-Оргил тоглолтын эхний гоолыг оруулсан бол Тайванийн багаас Яао Ко Чи тэнцүүлсэн. Харин хоёрдугаар үед FC Ulaanbaatar-ын легонер Душан Чиркович, С.Теофанов нар гоол оруулсан байна.

FC Ulaanbaatar нь AFC Cup тэмцээний I хэсэгт Тайванийн "Taichung Futuro FC", Tainan City болон Макаогийн "Chao Pak Kei" клубүүдтэй учраа таарсан. Хэсгийн хоёр дахь тоглолтоо Taichung Futuro FC-тэй хийнэ.

Азийн аваргуудын лигийн дараа орох чансаатай AFC Cup тэмцээнд нийт 36 баг есөн хэсэгт хуваагдан оролцож байгаа бөгөөд хэсгийн хамгийн өндөр оноотой хоёр баг дараагийн шатанд шалгарна.

AFC Cup тэмцээн нь энэ жилээс "AFC Champions league 2" нэртэй болж байна. Тус тэмцээнд өмнө Монголын "Хоромхон" 2015 онд, "Эрчим" 2017 онд, "Атлетик 220" 2022 онд оролцож байв.

Эх сурвалж: Монголын хөл бөмбөгийн холбоо