• CS2-ын дэлхийн аварга шалгаруулах тэмцээний Азийн урьдчилсан шат үргэлжилж байна
• Монголын ATOX Esports баг Австралийн багт хожигдож тэмцээнээс хасагдлаа

CS2-ын дэлхийн аварга шалгаруулах тэмцээн гэж болохуйц "PGL Major Copenhagen 2024"-ын эрхийн төлөөх Ази тивийн урьдчилсан шатны тэмцээн "Asia-Pacific RMR" Хятадын Шанхай хотод үргэлжилж байна.

Тэмцээний сүүлийн өдөр Монголын ATOX Esports баг Австралийн Grayhound Gaming багт 1-2 (Inferno 2-13, Ancient 19-17, Anubis 5-13) харьцаагаар хожигдов.

ATOX Esports нь эхний шатанд Grayhound Gaming-д Ancient-д 13-4 харьцаагаар хожигдож доод хүснэгт рүү унасан бөгөөд Myth Avenue багийг 2-0 (Ancient 13-9, Nuke 13-3) харьцаагаар, Хятадын хүчирхэг TYLOO багийг 2-1 (Nuke 3-13, Inferno 13-4, Anubis 13-2) харьцаагаар хожоод байв.

• TheMongolz "PGL Major Copenhagen"-д оролцох эрхээ авлаа
• ATOX Esports Хятадын TYLOO-г 2-1 харьцаагаар хожлоо
• TheMongolz Австралийн багийг хожиж дээд хүснэгтийн финалд шалгарлаа

Asia-Pacific RMR-т Ази, Номхон далайн шилдэг 8 баг оролцсон ба үүнд Монголын "TheMongolz", "ATOX Esports" багууд болон монгол тоглогчтой "Myth Avenue", монгол дасгалжуулагчтай Австралийн "Grayhound Gaming" багууд багтаж байна.

1,250,000 ам.долларын шагналын сантай "PGL Major Copenhagen 2024" гуравдугаар сарын 17-31-ний хооронд Данийн нийслэлд болно. Тус тэмцээнд Ази тивээс хоёр баг оролцох боломжтой.