Ерөнхий сайд асан Ч.Сайханбилэг хилийн чанадад эмчилгээ хийлгэж байгаа талаар Авлигатай тэмцэх газраас мэдээллээ.

Оюу толгойн гэрээтэй холбоотой С.Баяр, Ч.Сайханбилэг, С.Баярцогт нарт холбогдох хэрэгтэй холбоотойгоор түүнд хилийн хориг тавиад байсан юм.

Ч.Сайханбилэг эрүүл мэндийн шалтгаанаар шүүхэд хүсэлт гаргасны дагуу ийнхүү хил давсан бөгөөд хилийн чанадад эмчилгээ хийлгэж байгаа талаараа АТГ-т мэдэгджээ.

Түүний нэр холбогдон шалгагдаж буй Дубайн гэрээг үзэглэхдээ албан тушаалаа уршуулан ашигласан байж болзошгүй гэх хэргийн мөрдөн шалгах ажиллагааг дуусгаж, шүүхэд шилжүүлэх саналтайгаар прокурорт шилжүүлээд байгаа юм.