• Сүмо бөхийн дээд зиндаанд олон жил барилдсан Ичиножо А.Ичинноров зодог тайллаа
• Түүнийг удаан хугацаанд зовоосон нурууны доод хэсгийн бэртэл нь зодог тайлах шалтгаан болжээ

Япон сүмо бөхийн дээд зиндаанд түрүүлж сэкивакэ цолд хүрч байсан Ичиножо Алтанхуягийн Ичинноров зодог тайлсныг Японы сүмо бөхийн холбооноос мэдэгдлээ.

Зодог тайлсан шалтгаан нь түүнийг удаан хугацаанд зовоосон нурууны доод хэсгийн бэртэл аж. Өдгөө 30 настай тэрээр 2023 оны гуравдугаар сараас хойш барилдаагүй юм.

• Тэрүнофүжи Г.Ган-Эрдэнэ сүмо бөхийн дээд зиндаанд 9 дэх удаа түрүүллээ
• Сүмо бөхийн дээд зиндааг монгол бөхчүүд манлайлж барилдана
• Сүмогийн шинэ озэки Кирибаяма Б.Лхагвасүрэн гэж хэн бэ?

Ичиножо 2022 оны долоодугаар сарын тэмцээн буюу Нагоя башёгийн дээд зиндаанд 12 даваа 3 унаатай түрүүлж байсан нь түүний хамгийн том амжилт бөгөөд 2018 оны тавдугаар сараас арваннэгдүгээр сарын тэмцээн дуустал сэкивакэ цолтой барилдаж байв.

Тэрээр "Fighting Spirit" шагналыг 1, "Outstanding Performance" шагналыг 3 удаа хүртэж байсан ба Жүрюо зиндаанд хоёр удаа түрүүлж байсан.

Ичиножо 2021 оны есдүгээр сард Японы иргэншилтэй болсон бөгөөд харьяалагдаж байсан Минато дэвжээндээ ажиллах боломжтой юм.