• CS-ын дэлхийн аварга шалгаруулах тэмцээн Дани улсад үргэлжилж байна.
• Ази тивийг төлөөлөн оролцож буй Монголын The Mongolz баг дөрөв дэх тоглолтоо хийлээ.
• Тэд Хятадын "Lynn Vision" багийг хожлоо

CS2-ын дэлхийн аварга шалгаруулах тэмцээн гэж болохуйц, хамгийн өндөр шагналын сантай "PGL Major Copenhagen 2024" Данийн нийслэлд үргэлжилж байна. Дэлхийн шилдэг 24 баг оролцож буй тэмцээнд Ази тивийг төлөөлөн Монголын "The MongolZ" баг оролцож байна.

The MongolZ "Opening Stage" шатны дөрөв дэх тоглолтоо Ази тивийн нөгөө төлөөлөл Хятадын "Lynn Vision" багтай хийж 2-0 (Ancient 13-8, Anubis 13-6) харьцаагаар хожлоо.

Ийнхүү тэд дэлхийн аварга шалгаруулах тэмцээнээ дахин нэг өдөр үргэлжлүүлэхээр болсон бөгөөд гэртээ харих эсвэл дараагийн шатанд шалгарахаа шийдэх сүүлийн тоглолтоо маргааш 20:00 цагаас Бразилын "Legacy" багийн эсрэг хийнэ.

• The Mongolz Оросын багийг хожиж тэмцээндээ үлдлээ
• The MongolZ Данийн ECSTATIC багт хожигдлоо
• The Mongolz дэлхийн аваргын эхний тоглолтоо Туркийн багтай хийлээ

Монгол залуус Туркийн "Eternal Fire" багт Nuke 13-6, Данийн "ECSTATIC" багт Nuke 13-10 харьцаагаар тус тус хожигдсон ба өчигдөр Оросын "AMKAL ESPORTS" багийг 2-1 (Nuke 13-2, Mirage 8-13, Inferno 13-10) харьцаагаар хожин тэмцээндээ үлдээд байсан.

Харин Lynn Vision багийн хувьд "HEROIC" багт Nuke 13-5 харьцаагаар хожигдож Бразилын "FURIA Esports" багийг Nuke 13-9 харьцаагаар хожсон ч сүүлийн тоглолтдоо Данийн ECSTATIC-д Overpass 13-8 харьцаагаар хожигдоод байв.

Хоёр баг мажорт оролцохын төлөө Ази тивийн урьдчилсан шатанд таарч тоглоход The Mongolz 2-0 (Ancient 13-8, Nuke 13-3) харьцаагаар хожсон билээ.

Opening Stage шатанд тоглож буй 16 багаас найм нь "Elimination Stage" шатанд шалгарна. Тус шатанд Европ болон Америк тивийн чансаа өндөр найман баг хүлээж байна.