Австралийн засгийн газар 16-аас доош насны хүүхдүүдийг сошиал медиад нэвтрүүлэхийг хориглох "дэлхийд тэргүүлэгч" хууль батлуулахаар болжээ.

Ерөнхий сайд Энтони Албанезе дараагийн долоо хоногт парламент дээр танилцуулагдах уг хуулийн төсөл нь сошиал медиагийн Австралийн хүүхдүүдэд учруулж буй "хор уршгийг" багасгахад чиглэгдсэн гэжээ.

Ихэнх мэргэжилтнүүд сошиал медиа платформууд өсвөр насныхны сэтгэцийн эрүүл мэндэд сөргөөр нөлөөлдөг гэдгийг хүлээн зөвшөөрдөг ч, тэдгээрийг бүрмөсөн хорих нь үр дүнтэй эсэх тал дээр санал зөрөлддөг.

Европын Холбоо гэх мэт өмнөх оролдлогууд ихэвчлэн бүтэлгүйтсэн. Учир нь технологийн компаниудын эсэргүүцэлтэй тулгарсан бөгөөд насаа мэдэгдүүлэхгүй байх боломжтой арга хэрэгслүүд байдаг тул хэрхэн хэрэгжүүлэх тал нь асуулт хэвээр үлдэж байна.

Австралийн хүүхдийн эрхийн төлөөх хамгийн том байгууллагуудын нэг нь энэхүү хуулийн төслийг "хэтэрхий энгийн арга хэрэгсэл" гэж шүүмжилсэн байна.

Засгийн газарт хандан 10-р сард илгээсэн нээлттэй захидалд 100 гаруй эрдэмтэн, 20 иргэний нийгмийн байгууллагууд гарын үсэг зурсан бөгөөд Австралийн Хүүхдийн Эрхийн Ажлын хэсэг Албанезед оронд нь сошиал медиа платформуудад "аюулгүй байдлын стандарт" тогтоохыг зөвлөжээ.

Гэхдээ бусад үндэсний хөдөлгөөнүүд Австралийн засгийн газарт хандан уг хуулийг батлуулахыг шаардаж, хүүхдүүдийг хортой контент, буруу мэдээлэл, дарамт, бусад нийгмийн дарамтаас хамгаалах шаардлагатай гэж үзжээ.

Эх сурвалж: BBC