#CS2 850,000 ам.долларын шагналын сантай "Thunderpick World Championship 2024" тэмцээний шөвгийн наймд The MongolZ Бразилын Imperial Esports багийг хожсоноор Берлин хотод LAN-аар болох хагас шигшээд шалгарлаа.

"GAM3RS_X" болон "GRID"-ээс зохиож буй 850 мянган ам.долларын шагналын сантай "Thunderpick World Championship 2024" тэмцээн үргэлжилж байна.

Тэмцээнд урилгаар оролцож буй Монголын "The MongolZ" баг шөвгийн наймд Бразилын "Imperial Esports" багийг 2-1 (Dust II 16-12, Mirage 6-13, Inferno 13-8) харьцаагаар хожлоо.

Баянбатын "maaRaa" Эрдэнэдалай дасгалжуулагчтай монгол багаас Мөнхболдын "Senzu" Азбаяр +28 frag, 110.0 ADR-тай багаа тэргүүлж тоглолтын шилдгээр нэрлэгдэв.

• "Thunderpick World Championship" тэмцээний B хэсгийг The MongolZ тэргүүллээ
• The MongolZ-ын уригдсан "Thunderpick World Championship" өнөөдөр эхэлнэ
• The Huns баг ESL Challenger League-ээс хасагдлаа

Винишиус "VINI" Фигуэйреду ахлагчтай Бразилын баг ийнхүү 20,000 ам.доллартай гэрээ харьсан бол The MongolZ хагас шигшээ шатанд шалгарлаа.

Онлайнаар болж байсан тэмцээний хагас шигшээ болон финалын шат Германы Берлин хотын "LVL Dome Arena"-д зургаан өдрийн дараа болно.

The MongolZ Францын "3DMAX" багтай арваннэгдүгээр сарын 03-ны 00:00 цагаас тоглоно.