Ерөнхий сайд Л.Оюун-Эрдэнэ сайн цагийг үзүүлэх үү эсвэл сайтар тархи угаалтыг үзүүлэх үү

-Үзэл бодол-

Утаа, түгжрэл, ядуурал, авлига. Өнөөдрийн хоол, маргаашийн зээл. Монголд амьдрах хэцүү, боломж л гарвал гадагш зугтах хүсэл. Азийн бар хэмээн цээжээ дэлдэж явсан цаг ард хоцорч хорт утаанд утуулж, үнийн хөөрөгдөлд дарлуулж буй иргэддээ Ерөнхий сайд амралтын өдрүүдээр гэнэтийн бэлэг барилаа.

Асуудал бүхэн дуусаж, Монгол түмэн баялагтаа эзэн болж, Монгол Улс хөгжлийн дараагийн шатанд гарч байна гэх Ерөнхий сайд Лувсаннамсрайн Оюун-Эрдэнийг магтан дуулсан нэвтрүүлэг Монголын Үндэсний олон нийтийн телевизээс эхлээд NTV, Боловсрол, Монгол HD, TV9, SBN зэрэг томоохон телевизүүдээр цацагдав.

Нэвтрүүлгийн агуулгад Ерөнхий сайд Д.Оюун-Эрдэнийн Засгийн газрыг Үндэсний баялгийн сангийн тухай хуулийг батлуулж, 2028 он гэхэд иргэн бүрийн дансанд 10 сая төгрөг байршина. Төр бол ард түмэн. Уг сангийн баялаг ард түмний өмч, ардчиллын баталгаа юм. Улсынхаа баялгийг хулгайлсан хулгайч нартаа тэмцэж байна гэх мэтээр өгүүлнэ.

Тус нэвтрүүлэгт өнөөгийн нийгмийг бүтээлцсэн Монгол Улсын гурав дахь Ерөнхийлөгч Н.Энхбаяр тэргүүтэй УИХ-ын дарга асан Г.Занданшатар, УИХ-ын гишүүн С.Ганбаатар оролцжээ. Түүнчлэн нэгэн цагт хамтдаа жагсаал зохион байгуулж өөрсдийгөө "шударга тав" гэж нэрлээд байсан Л.Болд Ерөнхий сайдыгаа магтах нь тэр. Төр барилцаж явсан эдгээр эрхмүүдээс гадна "Эрдэнэс Монгол" нэгдлийн гүйцэтгэх захирал С.Наранцогт, Монголбанкны Ерөнхийлөгч Б.Лхагвасүрэн, Монголбанкны Ерөнхийлөгч асан Н.Золжаргал, Хөгжлийн банкны гүйцэтгэх захирал З.Нарантуяа, "Эрдэнэс Тавантолгой" ХК-ийн гүйцэтгэх захирлын үүрэг гүйцэтгэгч Х.Мөнхжаргал, Эрдэнэт үйлдвэр ТӨҮГ-ын Ерөнхий инженер Т.Батмөнх нар Баялгийн санг баахан магтав.

Монгол Улсын Засгийн газраас бэлтгэсэн болов уу гэмээр уг нэвтрүүлэг багагүй зардлаар бүтжээ. Үндэсний олон нийтийн телевиз болон чансаа өндөртэй телевизүүдээр түгээсэн болон бүтээсэн зардал нь нөгөө Хэмнэлтийн хуулиа уландаа гишгээд үүдний шалавчинд арчиж орхисон уу гэлтэй.

Нэг телевизийн нэг минутын үнэ дунджаар 100-150 мянган төгрөг ба тооцоолбол 60 минутын нэвтрүүлгийн үнэ 6 сая төгрөг. Мөн нэвтрүүлгийн үеэр гарсан анемэйшнийг бүтээхэд дунджаар минутын 50-150 мянган төгрөг байна. 30 секундийн анемэйшн 4 удаа давтагдсан бөгөөд нийт үнэ 20 сая төгрөг болохоор байна. Мөн уг нэвтрүүлэг Үндэсний баялгийн сангийн тухай өгүүлсэн сурталчилгаагаар "Ээ дээ сайхан цаг ирэх нь ээ" хэмээн төгсөв. Ийнхүү телевиз болон видео бэлтгэлийн үнэ 100 сая гаруй төгрөг хол давахаар байгаа юм.

-Үзэл бодол-

Утаа, түгжрэл, ядуурал, авлига. Өнөөдрийн хоол, маргаашийн зээл. Монголд амьдрах хэцүү, боломж л гарвал гадагш зугтах хүсэл. Азийн бар хэмээн цээжээ дэлдэж явсан цаг ард хоцорч хорт утаанд утуулж, үнийн хөөрөгдөлд дарлуулж буй иргэддээ Ерөнхий сайд амралтын өдрүүдээр гэнэтийн бэлэг барилаа.

Асуудал бүхэн дуусаж, Монгол түмэн баялагтаа эзэн болж, Монгол Улс хөгжлийн дараагийн шатанд гарч байна гэх Ерөнхий сайд Лувсаннамсрайн Оюун-Эрдэнийг магтан дуулсан нэвтрүүлэг Монголын Үндэсний олон нийтийн телевизээс эхлээд NTV, Боловсрол, Монгол HD, TV9, SBN зэрэг томоохон телевизүүдээр цацагдав.

Нэвтрүүлгийн агуулгад Ерөнхий сайд Д.Оюун-Эрдэнийн Засгийн газрыг Үндэсний баялгийн сангийн тухай хуулийг батлуулж, 2028 он гэхэд иргэн бүрийн дансанд 10 сая төгрөг байршина. Төр бол ард түмэн. Уг сангийн баялаг ард түмний өмч, ардчиллын баталгаа юм. Улсынхаа баялгийг хулгайлсан хулгайч нартаа тэмцэж байна гэх мэтээр өгүүлнэ.

Тус нэвтрүүлэгт өнөөгийн нийгмийг бүтээлцсэн Монгол Улсын гурав дахь Ерөнхийлөгч Н.Энхбаяр тэргүүтэй УИХ-ын дарга асан Г.Занданшатар, УИХ-ын гишүүн С.Ганбаатар оролцжээ. Түүнчлэн нэгэн цагт хамтдаа жагсаал зохион байгуулж өөрсдийгөө "шударга тав" гэж нэрлээд байсан Л.Болд Ерөнхий сайдыгаа магтах нь тэр. Төр барилцаж явсан эдгээр эрхмүүдээс гадна "Эрдэнэс Монгол" нэгдлийн гүйцэтгэх захирал С.Наранцогт, Монголбанкны Ерөнхийлөгч Б.Лхагвасүрэн, Монголбанкны Ерөнхийлөгч асан Н.Золжаргал, Хөгжлийн банкны гүйцэтгэх захирал З.Нарантуяа, "Эрдэнэс Тавантолгой" ХК-ийн гүйцэтгэх захирлын үүрэг гүйцэтгэгч Х.Мөнхжаргал, Эрдэнэт үйлдвэр ТӨҮГ-ын Ерөнхий инженер Т.Батмөнх нар Баялгийн санг баахан магтав.

Монгол Улсын Засгийн газраас бэлтгэсэн болов уу гэмээр уг нэвтрүүлэг багагүй зардлаар бүтжээ. Үндэсний олон нийтийн телевиз болон чансаа өндөртэй телевизүүдээр түгээсэн болон бүтээсэн зардал нь нөгөө Хэмнэлтийн хуулиа уландаа гишгээд үүдний шалавчинд арчиж орхисон уу гэлтэй.

Нэг телевизийн нэг минутын үнэ дунджаар 100-150 мянган төгрөг ба тооцоолбол 60 минутын нэвтрүүлгийн үнэ 6 сая төгрөг. Мөн нэвтрүүлгийн үеэр гарсан анемэйшнийг бүтээхэд дунджаар минутын 50-150 мянган төгрөг байна. 30 секундийн анемэйшн 4 удаа давтагдсан бөгөөд нийт үнэ 20 сая төгрөг болохоор байна. Мөн уг нэвтрүүлэг Үндэсний баялгийн сангийн тухай өгүүлсэн сурталчилгаагаар "Ээ дээ сайхан цаг ирэх нь ээ" хэмээн төгсөв. Ийнхүү телевиз болон видео бэлтгэлийн үнэ 100 сая гаруй төгрөг хол давахаар байгаа юм.

1 цаг 19 минутын нэвтрүүлгийн үеэр дөрвөн удаагийн анимейшн дүрс, Л.Оюун-Эрдэнийг магтан дуулсан хэд хэдэн удаагийн өрнөл гарлаа. Мөн сошиал сүлжээгээр уг нэвтрүүлгийг цацаж "тролл"-уудын уянгалаг сайхан үгстэй сэтгэгдэл хөвөрч, бусадтай хуваалцсан тоо хурдтай нэмэгдэв. /Тролл ажиллагаа гэдэг нь тухайн сэдвийг маш олон хүн дэмжиж буй мэт харагдуулж, хуурамч хаягаас олон удаагийн давтамжтайгаар бусадтай хуваалцах, ижил агуулгаар сэтгэгдэл үлдээхийг хэлнэ/.

Залуу хүний хувьд гэж эхэлдэг эдгээр нууц хаяг бүгд түгжээтэй. Нэвтрүүлэг цацагдмагц ар араасаа орж ирэх эдгээр сайхан үгсийг хэн нь мэдэгдэхгүй гэж хэлж болох хаягуудаас түгээжээ. Түүнийг групп бүрд түгээж буй хаягуудын дийлэнх нь л мөн цахим хаягаа түгжсэн байх нь үүнийг батлах мэт.

1 цаг 19 минутын нэвтрүүлгийн үеэр дөрвөн удаагийн анимейшн дүрс, Л.Оюун-Эрдэнийг магтан дуулсан хэд хэдэн удаагийн өрнөл гарлаа. Мөн сошиал сүлжээгээр уг нэвтрүүлгийг цацаж "тролл"-уудын уянгалаг сайхан үгстэй сэтгэгдэл хөвөрч, бусадтай хуваалцсан тоо хурдтай нэмэгдэв. /Тролл ажиллагаа гэдэг нь тухайн сэдвийг маш олон хүн дэмжиж буй мэт харагдуулж, хуурамч хаягаас олон удаагийн давтамжтайгаар бусадтай хуваалцах, ижил агуулгаар сэтгэгдэл үлдээхийг хэлнэ/.

Залуу хүний хувьд гэж эхэлдэг эдгээр нууц хаяг бүгд түгжээтэй. Нэвтрүүлэг цацагдмагц ар араасаа орж ирэх эдгээр сайхан үгсийг хэн нь мэдэгдэхгүй гэж хэлж болох хаягуудаас түгээжээ. Түүнийг групп бүрд түгээж буй хаягуудын дийлэнх нь л мөн цахим хаягаа түгжсэн байх нь үүнийг батлах мэт.

Үндэсний баялгийн сан ардчиллын тулгуур гэх үзэл санааг гаргавч бид ардчиллаас хэдийн ухарч дэлхийд 61-ээс 80-руу буюу 20 байраар ухарсан. Авлигын индексээр сүүл мушгиж буй орнуудыг тэргүүлж байгаа нь үнэн.

Тус нэвтрүүлгээр “томчууд” хэдэн их наяд, хэдэн тэрбумын тухай ярилцана. Гэвч бидний хоногийн хоолоо олох гэсэн тэмцэл, хорт утаан дунд амьдрах гэж ядаж буйг тэд даанч ойлгосонгүй. Чихэн дээр цэцэг ургуулах нь битгий хэл цэцэрлэгт хүрээлэн байгуулах нь холгүй байна.

Бид үндсэндээ хөдөлмөрлөж шударга зарчмаар өөрсдөө баялгаа бүтээж эх орноо хөгжүүлэх нь зүйн хэрэг. Гэтэл баялгийн сан нэрээр бэлэнчлэх сэтгэлгээг өөхшүүлж, шуудхан хэлэхэд иргэдийн сэтгэлзүйгээр улс төрийн тоглолт хийж байгаа нь харагдлаа.

Угтаа Засгийн газар хошуугаа бус хуруугаа хөдөлгөдөг байх хэрэгтэй. Ард түмнийхээ нүдэнд үзэгдэж, гарт баригддаг бүтээн байгуулалт, хөгжлийг харуулах ёстой юм.

"Насаараа шахуу" улс төрд оролцож баялгийн санг магтан дуулж буй эдгээр улс төрчдийн хөрөнгө орлогын мэдүүлэгтэй ЭНД дарж танилцана уу.

Үндэсний баялгийн сан ардчиллын тулгуур гэх үзэл санааг гаргавч бид ардчиллаас хэдийн ухарч дэлхийд 61-ээс 80-руу буюу 20 байраар ухарсан. Авлигын индексээр сүүл мушгиж буй орнуудыг тэргүүлж байгаа нь үнэн.

Тус нэвтрүүлгээр “томчууд” хэдэн их наяд, хэдэн тэрбумын тухай ярилцана. Гэвч бидний хоногийн хоолоо олох гэсэн тэмцэл, хорт утаан дунд амьдрах гэж ядаж буйг тэд даанч ойлгосонгүй. Чихэн дээр цэцэг ургуулах нь битгий хэл цэцэрлэгт хүрээлэн байгуулах нь холгүй байна.

Бид үндсэндээ хөдөлмөрлөж шударга зарчмаар өөрсдөө баялгаа бүтээж эх орноо хөгжүүлэх нь зүйн хэрэг. Гэтэл баялгийн сан нэрээр бэлэнчлэх сэтгэлгээг өөхшүүлж, шуудхан хэлэхэд иргэдийн сэтгэлзүйгээр улс төрийн тоглолт хийж байгаа нь харагдлаа.

Угтаа Засгийн газар хошуугаа бус хуруугаа хөдөлгөдөг байх хэрэгтэй. Ард түмнийхээ нүдэнд үзэгдэж, гарт баригддаг бүтээн байгуулалт, хөгжлийг харуулах ёстой юм.

"Насаараа шахуу" улс төрд оролцож баялгийн санг магтан дуулж буй эдгээр улс төрчдийн хөрөнгө орлогын мэдүүлэгтэй ЭНД дарж танилцана уу.