Украинаар дамжин Оросын байгалийн хий Европын улсуудад хүрдэг байсан гэрээ дуусгавар болж, Киев үүнийг сунгахаас татгалзсан.

Үүнтэй холбоотойгоор Словак улсын Ерөнхий сайд Украины 130 мянга гаруй дүрвэгчид санхүүгийн тусламж үзүүлэхээ зогсооно хэмээн сүрдүүлжээ.

Түүнчлэн Украин руу гаргадаг эрчим хүчний экспортыг зогсоох санал гаргана гэжээ. 

Ерөнхий сайд Роберт Фикогийн хэлснээр байгалийн хийн урсгал зогсож, үүнээс болж Словак улс байгалийн хийн дутагдалд ороогүй ч Зеленськийн энэ шийдвэр нь Словакийн бусад улсаас авдаг 500 сая евро бүхий транзитын төлбөрийг зогсооно гэсэн юм. 

Өнгөрсөн сард Украины Ерөнхийлөгч Словакийн Ерөнхий сайдыг Путинд тусалж, дайныг санхүүжүүлэн Украины хохирлыг нэмэгдүүлж байна хэмээн шүүмжилсэн. 

Хэрэв Словак улс Украин руу гаргах эрчим хүчний экспортоо зогсоовол Польш улс Украинд дэмжлэг үзүүлнэ гэдгээ мэдэгдээд байна. 

Польшийн Засгийн газар байгалийн хийн экспортын гэрээ дуусгавар болсныг Украины хувьд Москвагийн эсрэг олж авсан том ялалт гэж үзэж буй.

Эх сурвалж: ВВС