Монголын Харилцаа холбооны салбарын тэргүүлэх компаниудын нэг ДДэш монголд анх удаа 4K дамжуулалтыг хийх техник, технологийн нөхцөлийг бүрэн хангажээ.

Кино, спорт, видео тоглоомын зах зээлд хэдий нь ээ олонд танигдсан 4K-аар спортын шилдэг тоглолтуудыг тун удахгүй үзэх боломж бүрэн бүрдэж буй нь энэ. Өндөр нягтралтай 4K технологи нь илүү их пикселтэй учраас хурдан хөдөлгөөнтэй спортын үйл явдлуудыг тод, нарийн детальтайгаар дүрслэх боломжийг олгодог.

Тайлбарлах нь: 4K дүрс гэдэг нь илүү тод, нарийвчилсан, нягтрал өндөртэй дүрсийг илэрхийлдэг. 4K нь 3840 x 2160 пикселийн нягтралыг илтгэдэг ба энэ нь Full HD (1920 x 1080 пиксел) дүрсийн нягтралаас дөрөв дахин их юм.

4K дамжуулалтын тухайд тус компанийн Техник, технологийн албаны захирал Н.Ариунболдоос тодруулахад “Манай компанийн зүгээс 4K дамжуулалтыг хийх техник, технологи бүрдсэн. 4K нь цор ганц дамжуулж буй газраас үл хамаарах бөгөөд нэг талдаа контент нийлүүлэгч, нөгөө талд хэрэглэгчээс мөн хамаардаг. Тодруулбал, контент нийлүүлэгч буюу ТВ 4K дүрсээр тухайн нэвтрүүлгээ бичиж, цацах бөгөөд тэр дохио чанарыг нь алдагдуулахгүйгээр сансрын хиймэл дагуулын тусламжтай бид дохиог айл өрхүүдэд дамжуулна. Энэ үед хэрэглэгчид маань 4K дэмждэг зурагт болон хүлээн авагч төхөөрөмжөөрөө хүлээн авч үзэх юм” гэв.

4K технологи ийнхүү монголд нэвтэрснээр хэрэглэгч, үзэгчид чанарын өндөр түвшинд, дэргэд нь байгаа мэтээр спортын тоглолт, нэвтрүүлгүүдийг үзэх төдийгүй контент бүтээгчдийн хувьд ч мөн цаашид энэ форматаар кино, контентоо бэлтгэн нийлүүлэх боломж бүрдэж байгаа юм байна.