#CS2 Хоёр баг ESL Pro League-ийн өмнөх улиралд таарч тоглоход Оросын баг 2-1 харьцаагаар хожиж байсан бол энэ удаа 2-0 харьцаагаар хожлоо.

CS2-ын хамгийн нэр хүндтэй лигийн тэмцээн болох "ESL Pro League"-ийн 21 дэх удаагийн улирал Шведийн Стокхольм хотод үргэлжилж байна.

$400,000 (1.3 тэрбум төгрөг) шагналын сантай тэмцээний хоёрдугаар шатанд шууд уригдсан Монголын "The MongolZ" баг өнөөдөр гурав дахь тоглолтоо мажорын аварга Team Spirit-тэй хийж 0-2 (Anubis 6-13, Dust II 11-13) харьцаагаар хожигдлоо.

Тоглолтод Оросын багийн Данил "donk" Кришковецв 110.6 ADR (Average Damage per Round), +19 frag-тай бусдыгаа тэргүүллээ.

Ийнхүү Оросын Spirit playoffs-т шалгарсан бол The MongolZ 2-1 амжилттай болж playoffs-т шалгарахын төлөө маргааш 20:30 цагаас Францын "3DMAX" багтай тоглоно.

• The MongolZ G2-г 2-11-ээс барьж ESL Pro League-г тэргүүлсээр үлдлээ
• The MongolZ ESL Pro League-ийн эхний тоглолтдоо 2-0 харьцаагаар хожлоо
• "The MongolZ" баг Монгол Улсын үндэсний шигшээ багийн бүрэлдэхүүнд нэгдлээ

Хоёр баг сүүлд "ESL Pro League Season 20" тэмцээний хүрээнд таарч тоглоход Spirit 2-1 харьцаагаар хожиж байв.

Хоёр долоо хоногийн өмнө "PGL Cluj-Napoca 2025" тэмцээний шөвгийн наймаас хасагдсан монгол залуус өмнөх "ESL Pro League Season 20" тэмцээний playoffs-т Туркийн "Eternal Fire"-т хожигдон 9-12-р байраар тэмцээнээ дуусгаж байв.

Чансаа доогуур багуудын өндөр түвшний багуудтай тоглох боломжийг нээж өгдөг "ESL Pro League"-ийн эхний шатанд 16 баг оролцсоноос нь найм нь хоёрдугаар шатанд шалгарсан. Хоёрдугаар шатанд шууд уригдсан найман баг болон нэгдүгээр шатнаас шалгарсан найман багууд швейцар системээр тоглон түрүүлж гурав хожсон найм нь playoffs-т шалгарах юм.