Өнөөдөр Засгийн газрын ээлжит бус хуралдаан болж, бүх өрхийн цахилгаан,  дулаан, ус, хогны төлбөрийг энэ сарын 1-нээс ирэх оны долдугаар сар хүртэл тэглэв. Мөн дараах есөн салбараас бусад ААН-ийн цахилгаан, дулаан, ус, хогны мөнгийг төр хариуцан өмнөөс нь төлөх болов. Эдгээрийн төлбөрийг улсын төсвөөс биш харин “Эрдэнэт” үйлдвэр 650 тэрбум төгрөгөөр санхүүжүүлнэ.

123.800 аж ахуйн нэгжүүдийг АЖЛЫН БАЙРАА хадгалахад дэмжлэг болгож, энэ шийдвэрийг гаргажээ.

Үйл ажиллагаа нь хэвийн үргэлжилж, санхүүгийн байдал тогтвортой гэж үзсэн салбарууд              

1. Уул уурхайн олборлолт, боловсруулах чиглэлийн ААН

2. Банк, банк бус санхүүгийн байгууллагууд

3. Газрын тосны бүтээгдэхүүн импортлогчид, жижиглэн худалдаалагчид

4. Интернет болон үүрэн холбооны салбарын компаниуд

5.Согтууруулах ундаа, тамхи үйлдвэрлэгчид

6. Өнгөт металл, хөр төмөрлөг, цементийн үйлдвэр

7. Криптовалютын  арилжаа эрхлэгчид  

8. Төсөвт байгууллага, төрийн болон орон нутгийн өмчид хуулийн этгээд,

9. Бөөний болон жижиглэнгийн худалдаа эрхлэгчид.