Монгол Улсын төвийн эрчим хүчний нэгдсэн сүлжээнд холбогдсон Улаанбаатар хот болон бүх аймаг, орон нутгийг хамарсан хязгаарлалтыг өчигдрөөс эхлэн хийж байна.

Дулааны IV цахилгаан станц бэлтгэл тоноглолгүй бүрэн хүчин чадлаараа ажиллаж байсан бөгөөд зуухны халах гадаргууд гэмтэл гарснаас цахилгаан эрчим хүчний чадлын дутагдалд орсон тул тодорхой байршлуудад эрчим хүчний хязгаарлалт хийж эхэллээ. 

Орон сууцны сүүлийн үеийн барилгууд цахилгаан тасрахад халаалт, халуун ус нь зэрэг тасардаг учир хүйтний эрч чангарч буй энэ үед хязгаарлалт удаан үргэлжилбэл айлууд зутрахаар байна. Цахилгааны хязгаарлалт өнөөдөртөө үргэлжилнэ.