Энэ бямба гарагт “Автомашингүй өдөр-2025” арга хэмжээг “Эрсдэлгүй–эрүүл орчныг хамтдаа” уриан дор зохион байгуулна. 

Автомашингүй өдрөөр НЭМГ, нийслэлийн Агаар, орчны бохирдолтой тэмцэх газар хамтран хөдөлгөөнийг хязгаарласан цэгүүдэд агаарын чанарыг хэмжих бол НЭМҮТ-өөс дуу чимээний үзүүлэлт хэмжиж, харьцуулсан судалгаа хийх юм.

НЭМГ-ын дарга Б.Бямбадорж мэдээлэхдээ, “2000 оноос дэлхий нийтээр есдүгээр сарын 22-ныг автомашингүй өдөр болгон тэмдэглэж ирсэн. Монгол Улсад 2007 оноос тэмдэглэж байна. Улаанбаатар хотод 750 мянга орчим тээврийн хэрэгсэл бий, өдөр тутамд 600 мянга нь хөдөлгөөнд оролцдог.

Энэ нь дэлхийн өндөр нягтшилтай хотуудтай харьцуулахад ч өндөр үзүүлэлт. Тээврийн хэрэгслээс хүний эрүүл мэндэд сөрөг нөлөөтэй нүүрстөрөгчийн дутуу исэл, хүхрийн давхар исэл, азотын ислийн нэгдэл, нарийн ширхэгтэй тоосонцор ялгарч, мөн чимээ шуугианы бохирдол үүсгэдэг. Нэг өдөр ч гэсэн автомашинаас татгалзах нь орчны бохирдлоос сэргийлэх ач холбогдолтой” гэв.

Бямба гарагт автомашингүй бүсэд цахилгаан скүтер, мопед, цахилгаан мотоцикл (суррон) нэвтрүүлэхгүй. Мөн эцэг, эхчүүд хүүхдэдээ тавих хараа хяналтаа сайжруулахыг зөвлөлөө. Бүсчлэлээс бусад гудамж, замд автомашины дугаарын хязгаарлалт үргэлжлэх бөгөөд цагдаагийн байгууллагаас хөдөлгөөний аюулгүй байдлыг ханган ажиллана. Дараах чиглэлийн замыг хязгаарлах юм.

Энэ өдөр нийтийн тээврийн үйлчилгээний 43 чиглэлийн 453 тээврийн хэрэгслийн маршрутад өөрчлөлт орж байгаа юм.