Тулгар төрийн 2229, Их Монгол Улсын 814, Ардын хувьсгалын 99 жилийн ой, Үндэсний баяр наадмын хүчит бөхийн барилдаанд Улсын арслан Пүрэвийн Бүрэнтөгс Улсын аварга Н.Батсууриар ес давж, Монгол Улсын 25 дахь аварга боллоо. Энэ жилийн наадамд 512 бөх зодоглосон юм.

“Алдар” спорт хороо, “Увс нуур” дэвжээний бөх П.Бүрэнтөгс нь 2015 онд Улсын наадамд найм, 2016 онд долоо, 2019 онд ес давж байсан юм.

Тэрээр энэ жилийн наадамд: 

• Нэгийн даваанд Д.Бат-Өлзийгөөр
• Хоёрын даваанд Г.Алтанбаганаар 
• Гурвын даваанд Аймгийн харцага Т.Түвшинтулгаар
• Дөрвийн даваанд Аймгийн арслан О.Цэцэнцэнгэлээр 
• Тавын даваанд Улсын начин Б.Чимэдвандангаар 
• Зургаагийн даваанд Аймгийн арслан О.Мөнх-Эрдэнээр
• Долоогийн даваанд Аймгийн арслан Б.Бат-Оршихоор 
• Наймын даваанд Улсын заан Б.Пүрэвсайханаар 
• Есийн даваанд Улсын аварга Н.Батсууриар тус тус давж, Улсын аварга цол хүртлээ. 

Гэрэл зургуудыг: Д.Жавхлантөгс