-Өнгөрч буй долоо хоногт болсон онцлох үйл явдлуудаас тоймлон хүргэж байна-

ХУРДАН МОРИНЫ ХАВРЫН УРАЛДААНЫГ СЭРГЭЭХ ШААРДЛАГЫГ
 "ДЭМЖСЭН" ЗАСГИЙН ГАЗРЫН ШИЙДВЭР

Засгийн газрын 2019 оны 57 дугаар тогтоолоор, жил бүрийн арваннэгдүгээр сарын 1-ний өдрөөс тавдугаар сарын 1-ний өдрийг хүртэлх хугацаанд хурдан морины уралдаан, сунгаа, үсэргээ зохион байгуулахыг хориглосон.
Гэсэн ч зарим иргэд "Дүнжингарав" уралдааныг сэргээх шаардлагыг Засгийн газарт хүргүүлсэн. Засгийн газар ээлжит хурлаараа үүнийг хэлэлцэж, "Спорт, соёлын арга хэмжээ зохион байгуулах бүх эрхийг аймаг, орон нутагт шилжүүллээ. Ингэснээр хурдан морины уралдаан зэрэг бүх арга хэмжээг аймаг, орон нутаг бие даан шийдвэрлэж, зохион байгуулна” хэмээн мэдэгдсэн юм. 

Энэ тухай:

• Х.Баасанжаргал: Засгийн газар хүүхдийн эрхийг уландаа гишгэсэн шийдвэр гаргаcанд маш их харамсаж байна
• Л.Энх-Амгалан: Хүссэн, хүсээгүй 11-5 сард морины уралдаан зохиохыг хориглосон тогтоол өнөөдөр хүчингүй болж байна
• Хурдан морины өвөл, хаврын уралдааныг эсэргүүцэх ШАЛТГААНУУД!
• Хүүхдийн төлөө үндэсний зөвлөлийн тэргүүн Л.Оюун-Эрдэнэ хүүхдийн эрх зөрчих шийдвэр гаргалаа
• ХЭҮК: Засгийн газар хүүхдийг нэгдүгээрт тавих зарчмаасаа ухарлаа
• Ерөнхий сайд тэргүүтэй хурдан удмын адуутай Засгийн газрын гишүүд

НИЙТИЙН ТЭЭВРИЙН ҮНЭ 1000₮ БОЛЛОО

НИТХ-аас өнгөрсөн хоёрдугаар сард тогтоол гаргаж, нийтийн тээврээр үйлчлүүлэх үнийн тарифт зарим өөрчлөлт оруулсан. Улмаар 2025 оны 1 дүгээр сарын 1-нээс иргэд 1000 төгрөг төлж зорчино гэдгийг мэдээлж байсан ч тодорхойгүй хугацаагаар хойшлуулаад байв. Тэгвэл өнөөдрөөс буюу 2025.02.01-нээс энэ шийдвэр хэрэгжиж эхэллээ. 
Нийтийн тээврийн бодлогын газраас тээврийн захиргаа удирдлагын хэлтсийн дарга З.Цэвээндорж, Нийтийн тээврийн үйлчилгээний үнэ тариф 2014 онд өөрчлөлт орсон цагаас дахин өөрчлөлт ороогүй. Нийслэлийн ИХТ, НЗДТГ-ын санаачилгаар нэмэхээр өөрчлөлт оруулсан. Гэхдээ энэ нь ердөө үнэ нэмэгдсэн гэсэн үг биш. Иргэн тухайн өдөр дөрвөн удаа зорчиход 1000₮ байх, тодруулбал тухайн өдрийн эхний зорчилтод карт уншуулахад шууд 1000₮ татагдана.

Мөн дамжин суулт 30 минутаар хязгаарладаг байсан бол хугацаа хязгаарлахгүй болсон ба дараагийн автобусанд дамжин суухдаа өөр чиглэлд суух ёстой байсан бол чиглэл харгалзахгүй болсон гэв.

МЕНИНГОКОККИЙН ХАЛДВАР АВСАН ГУРВАН НАСТАЙ ХҮҮ ЭНДЭВ

Өнгөрч буй долоо хоногт Налайх дүүрэгт Менингококкт халдварын нэг тохиолдол бүртгэгдсэн. ХӨСҮТ-өөс уг өвчний нөхцөл байдлын талаар мэдээлэл хийх үеэрээ тус өвчнөөр өвдсөн хүү эндсэнийг мэдэгдсэн юм.
ХӨСҮТ-ийн Ерөнхий захирал Э.Анхбаяр "Өнгөрсөн онд менингококкт халдварын таван сэжигтэй тохиолдол бүртгэгдэж, хоёр хүүхдээс илэрч эдгэрээд гарсан. Өчигдөр Баянгол дүүрэгт сэжигтэй тохиолдол илэрсэн. Лабораторид шинжилгээний хариуг хүлээж байна. Тиймээс уг өвчний халдвараас иргэд урьдчилан сэргийлэх шаардлагатай байна" гэв.

ХОШОРЮҮ С.БЯМБАСҮРЭН ЁКОЗҮНА ЦОЛТОЙ БОЛЛОО

Озэки Хошорюү Сугаррагчаагийн Бямбасүрэн шинэ оны эхний башёд түрүүлж сүмогийн хамгийн дээд цол болох ёкозүна цолд дэвшив. 25 настай С.Бямбасүрэн энэ оны эхний тэмцээн буюу нэгдүгээр сарын Хацү башёд 12-3 амжилттай түрүүлж ёкозүна цолын болзол хангасан юм.
Ийнхүү тэрээр сүмо бөхийн 74 дэх, Монголоос энэ цолд хүрсэн 6 дахь их аварга болов. Өмнөх ёкозүна Тэрүнофүжи Г.Ган-Эрдэнэ Хацү башёгийн үеэр зодог тайлсан бөгөөд сүмогийн холбоо сүүлийн 32 жилд анх удаа ёкозүнагүй болохоос сэргийлж Хошорюүг их аваргад өргөмжилсөн гэж мэргэжилтнүүд үзэж байна.

Онцлох нийтлэлүүд: 

• Б.Билэгт: Тэр намраас хойш би үргэлж хичээсэн
• МОГОЙ ЖИЛИЙН ӨНГӨ: Залууст ээлтэй, ахиж дэвшсэн сайхан жил гарна
• “Хүүхдээ хүргэж өгөх хэрэгтэй, хурлаасаа хоцрох нь гэж хэлбэл япончууд маш их гайхдаг”
• "Гэдэсний бичил орчны тэнцвэр алдагдсанаар ходоод, гэдэсний цочмог, архаг өвчлөл ихэссэн"
• Тайвань банш: 18 чимхэлт, 21 граммын амт
• Музейн үзмэрийг идэж болно гэж хэн санах билээ...