Бид БНХАУ-ын эдийн засгаас ихээхэн хамааралтай. Тус улсын эдийн засгийн өсөлт, уул уурхайн түүхий эдийн эрэлтээс манай улсын экспортын орлого шууд хамаарна.
   
Сангийн яамны Санхүү, төсвийн судалгааны газрын дарга Г.Золбоо 2025 оны улсын төсвийн төслийг танилцуулахдаа “БНХАУ-ын үл хөдлөх хөрөнгийн салбарын уналт сэргээгүй байна. Коммунист намын их хурлаас гаргасан шийдвэрээ саяхан танилцуулав.  Тус улс цаашид шинжлэх ухаан, технологид суурилсан хөгжсөн эдийн засгийн шинэ загвартай болно гэв. Энэ хүрээнд судалгаа шинжилгээнд түлхүү анхаарч, олон үйлдвэр барих юм байна.

Тухайлбал хиймэл оюун ухаан, сансрын технологи, био анагаах ухаан, дижитал шилжилтэд түлхүү анхаарна гэв. Ирэх онд БНХАУ-ын эдийн засгийн өсөлт 4.5 байх таамгийг Дэлхийн банк гэх мэт олон улсын байгууллагууд гаргасан. Манай улсаас тус улс руу нийлүүлдэг түүхий эдийн үнэ тогтвортой байна.

Энэ онд бид нийт 75 сая тонн нүүрс экспортлохоор төлөвлөсөн. Өнөөдрийн байдлаар уул уухайн экспортын эрсдэл үүсээгүй байна. Зэсийн үнэ тогтвортой байна. Одоогоор 40-өөд сая тонн нүүрс гаргажээ. Уул уурхайн орлого оны эцэс гэхэд 3 их наяд төгрөгөөр өсөх тооцоог бид хийсэн. Бид төсвийн орлогоо бодитоор төсөөлөх гэж хичээдэг, өөдрөг төсөөлөөгүй. Оны эцэст төсөв ашигтай гарахгүй" гэв.

Харин эдийн засагчид тус улсын үл хөдлөх хөрөнгийн салбар сэргээгүй байгаа тул эрсдэлийн шинжилгээг сайтар хийх ёстой гэж үздэг юм.