• CS2-ын хамгийн том лигүүдийн нэг ESL Pro League Season 19 үргэлжилж байна.
• Тэмцээнд Монголын "The Mongolz" баг болон монгол дасгалжуулагчтай "FlyQuest" баг оролцож байна.
• "erkaSt"-ын удирдсан Австралийн FlyQuest баг Оросын багийг хожиж шигшээ 12-т шалгарлаа.

Электрон спортын хамгийн том байгууллагуудын нэг "ESL (Electronic Sports League)"-ээс уламжлал болгон зохиодог, CS2 (Counter Strike 2)-ын хамгийн том лигүүдийн нэг "ESL Pro League" үргэлжилж байна.

Дэлхийн шилдэг 32 баг Мальта улсын Сент Жулианд цугласан, 19 дэх удаагийн ESL Pro League-т Монголын "The Mongolz" баг оролцож байгаагаас гадна монгол дасгалжуулагчтай Австралийн "FlyQuest" баг оролцож буй.

Г.Эрдэнцогт "erkaSt"-ын удирдсан Австрали залуус өчигдөр Оросын "nafany" тэргүүтэй "BetBoom Team" багийг 2-1  (Vertigo 13-11, Mirage 9-13, Anubis 9-13) харьцаагаар хожиж шигшээ 12-т шалгарлаа.

"ESL ANZ Champs Season 17" тэмцээнд түрүүлж Pro League-ын эрхээ авсан FlyQuest "D" хэсгийн сүүлийн буюу дөрөвдүгээр байраар хасагдах шатанд шалгараад байв.

• Г.Эрдэнцогт "erkaSt"-ын удирдсан Австралийн FlyQuest баг хасагдах шатанд шалгарлаа
• The Mongolz хэсгийн аваргын төлөө Team Vitality-д хожигдлоо
• The Mongolz "ESL Pro League"-ын хасагдах шатанд шалгарсан анхны Ази баг боллоо

Энэ оны гуравдугаар сарын 28-аас эхлэн Номхон далайн орнуудын чансааг тэргүүлэгч, таван Австрали тоглогчоос бүрдсэн FlyQuest буюу хуучнаар "Grayhound Gaming" багийг "erkaSt" буюу Гантулгын Эрдэнэцогт дасгалжуулж байгаа юм.

Өмнө нь "Grayhound Gaming" багт төдийгүй Азийн шилдэг "Team NKT" багт тоглож байсан тэрээр Австралийн багийг удирдан "Esports World Cup 2024" тэмцээний эрхийг авч "Intel Extreme Masters Chengdu 2024" тэмцээнд оролцсон билээ.

FlyQuest баг шигшээ 16 шатанд шалгарахын төлөө "Ninjas in Pyjamas", "Pera Esports", "BOSS" багуудыг хожоод байв. Тэд Шигшээ 12 шатанд "cadiaN" тэргүүтэй "Team Liquid" багтай таарсан бөгөөд өнөөдөр 22:15 цагаас тоглоно. Харин "The Mongolz"-ын хувьд "Оросын "Virtus.pro" багтай 01:30 цагаас тоглоно.

Азийн баг анх удаа хасагдах шатанд тоглохоор болсон энэ удаагийн ESL Pro League-т монголын таван тоглогч, хоёр дасгалжуулагч Ази төдийгүй, Номхон далайн орнуудыг төлөөлөн өрсөлдөж байна.