#CS2 Шанхай мажорын нээлтийн өдөр Монголын "The MongolZ", монгол дасгалжуулагчтай Австралийн "FlyQuest" багууд тус бүр хоёр хожсоноор бусдыгаа тэргүүлж байна.

1,250,000 ам.долларын шагналын сантай "Perfect World Shanghai Major 2024" тэмцээний эхний өдөр Монголын "The MongolZ", монгол дасгалжуулагчтай Австралийн "FlyQuest" багууд эхний тоглолтуудаа хийлээ.

Тэд хоёул нээлтийн хоёр тоглолтдоо хожиж тэмцээнийг тэргүүлж эхэлсэн бөгөөд маргааш дараагийн шатанд шалгарахын төлөөх чухал тоглолтоо хийхээр болов.

Нээлтийн өдрийн тоглолтуудын үр дүн:

• The MongolZ 13-2 /Anubis/ Rare Atom
• FlyQuest 13-6 /Anubis/ Complexity Gaming
• The MongolZ 13-6 /Ancient/ MIBR
• FlyQuest 13-5 /Nuke/ BIG

The MongolZ-ын хувьд эхний тоглолтдоо нэг бүсийн төлөөлөл Хятадын Rare Atom-ыг хялбархан буулгаж авсан бөгөөд хоёр дахь тоглолтдоо Бразилын төлөөллийг хожсон.

Харин FlyQuest эхний тоглолтод Америк тивийн тэргүүн багуудын нэгийг хожин "upset" гаргасан ба хоёр дахь тоглолтдоо Германы төлөөллийг "Nuke" талбайд илүүрхэв.

• The MongolZ мажорын эхний шатанд Хятадын багтай тоглоно
• АРВАНХОЁРДУГААР САРЫН СПОРТ: Электрон спортын оргил тэмцээнүүд болно
• CS2-ын шигшээ багуудын ДАШТ-д Монголын баг 5-8-р байр эзэллээ

Ийнхүү маргааш FlyQuest Америк тивийн төлөөлөл "Team Liquid"-тэй тоглохоор болсон бол The MongolZ Европын төлөөлөл "GamerLegion" багтай тоглохоор болов.

Дэлхийн шилдэг 24 баг гурван шат дамжин тоглох энэхүү электрон спортын оргил тэмцээний эхний буюу "Opening Stage" шатны тоглолтууд швейцар системээр болж байна. Хамгийн түрүүлж 3 хожсон найман баг хоёр дахь буюу "Elimination Stage" шатанд шалгарна, харин гурав хожигдсон багууд нутаг буцна.

Elimination Stage шатанд тоглох эхний хоёр баг маргааш тодрох ба Шанхайг орхиж гэртээ харих эхний хоёр багийн нэр мөн маргааш зарлагдана.