“Century” бондын ханш сүүлийн нэг жилийн хугацаанд 8.6 хувиар өсөж, 93.6 орчим ам.долларт хэлбэлзэж байна.

Монгол Улсын Засгийн газар 2027 онд хугацаа нь дуусах 500 ам.долларын “Century” бондоосоо 77 орчим сая ам.долларыг нээлттэй зах зээлээс худалдан авсныг “Bloomberg” мэдээллээ.

Тус бонд нь Монгол Улсын Засгийн газраас олон улсад гаргасан, ойрын таван жилд хугацаа нь дуусах нээлттэй арилжигдаж буй бондуудаас хамгийн хямд ханштай нь байна. Тухайлбал: “Century” бондын ханш сүүлийн нэг жилийн хугацаанд 8.6 хувиар өсөж, 93.6 орчим ам.долларт хэлбэлзэж байгаа юм.

Үүнээс гадна бондын купон эдгээр бонд дундаас хамгийн бага буюу 3.5 хувьтай байна. Монгол Улсын Төв банк энэ онд бодлогын хүүг нийт гурван нэгж хувиар бууруулсан энэ үед тус бондын өгөөж 22 гаруй хувиар буурсан үзүүлэлттэй байгаа аж.

Монгол Улсын Засгийн газрын өр 2024 оноос эхлэн дотоодын нийт бүтээгдэхүүний 44 орчим хувьд тогтворжихоор байгааг “Fitch Ratings” мэдээлж байлаа.

2025 онд Засгийн газрын өр төлбөр 400 сая ам.доллар буюу дотоодын нийт бүтээгдэхүүний хоёр хувиас бага байгаа бол 2026 онд нэг тэрбум ам.доллар байхаар байна.

М.Эрхэс