#CS2 "IESF World Esports Championship 2024" тэмцээнд Монголын баг Шведэд хожигдон тэмцээнээ дуусгаж 12,500$ шагнал авлаа.

Олон улсын электрон спортын холбоо буюу IESF-ээс зохиодог Counter Strike 2-ын шигшээ багуудын дэлхийн аварга шалгаруулах тэмцээн Саудын Арабын Эр-Рияд хотод үргэлжилж байна.

240 мянган ам.долларын шагналын сантай "IESF World Esports Championship 2024" тэмцээнд Монголын шигшээ багийг төлөөлж "The Huns Esports" багийн тоглогчид оролцсон.

D хэсэгт Словак, Өмнөд Африк, Аргентиныг хожиж Серби, Чехэд хожигдсон монголын баг хэсгийн хоёрдугаар байраар playoffs-т шалгарсан. Улмаар playoffs-т Шведийн багт 2-0 (13-8, 13-5) харьцаагаар хожигдсон тэмцээнээ дуусгалаа.

• CS2-ын шигшээ багуудын ДАШТ өнөөдөр эхэлнэ
• Монголын 6 тоглогч, 2 дасгалжуулагч оролцох Shanghai Major-ын урьдчилсан шат өнөөдөр эхэлнэ
• The MongolZ "Thunderpick World Championship" тэмцээнд түрүүлж 500'000$ авлаа

Гантулгын "nin9" Есөнтөмөр ахлагчтай Монголын баг ийнхүү Польшийн шигшээ багтай ижил тэмцээний 5-8-р байрыг эзлэн 12,500 ам.долларын шагналыг авав.

2023 оны тэмцээнд хэсгийн шатнаас гарч чадалгүй хасагдаж байсан монголын баг энэ жил амжилтаа ахиуллаа.