Агаарын бохирдлыг бууруулах Үндэсний хорооны Ажлын алба, “Саусгоби Сэндс” ХХК-тай хамтран нийслэлийн таван дүүргийн зам цэвэрлэгээ, хог тээврийн машинуудад хорт утааны ялгарлыг бууруулж, шатахуун зарцуулалтыг багасгадаг төхөөрөмж суурилуулж байна.

Энэ хүрээнд Сонгинохайрхан, Сүхбаатар дүүргийн ТҮК-иудын 148 тээврийн хэрэгсэлд “Supertech” болон “Эко” төхөөрөмжийг суурилуулаад байна.

Тэгвэл өнөөдөр /2025.12.24/ Хан-Уул дүүргийн ТҮК-ийн машинуудад шатахуун зарцуулалтыг 30 хувиар багасгаж, яндангаас гарах хорт утааг 80 хүртэлх хувиар бууруулах “Эко” төхөөрөмж суурилуулах гэрээ байгуулжээ.

Гэрээний хүрээнд тус дүүргийн ТҮК-ийн 71 машинд “Эко” төхөөрөмж суурилуулах юм.

Эх сурвалж: Агаарын бохирдлыг бууруулах үндэсний хороо