Сүүлийн 24 цагт улаанбурхан өвчний 14 тохиолдол батлагдаад байна. Дорнод аймагт 8, Улаанбаатар хотод 5, Хэнтий аймагт 1 хүн халдвар авч бүртгэгдлээ.

Найман сартай хүүхэд томуугаар өвчилсөн байхдаа улаанбурханы халдвар давхар авч нас барлаа. Иргэд та бүхэн эмнэлэг, эрүүл мэндийн байгууллагаар үйлчлүүлэхдээ амны хаалт зүүж, гарын ариун цэврийг сахихыг хүсье.

Улаанбурханы эсрэг товлолын дархлаажуулалтад бүрэн хамрагдаагүй эсвэл хамрагдсан эсэхээ мэдэхгүй байгаа бол харьяа өрх, сумын эрүүл мэндийн төвдөө мэдээллээ нягтлуулан вакцинаа хийлгэхийг зөвлөж байна гэж ЭМЯ-наас мэдээлэв.