Нийслэлийн хэмжээнд энэ онд үерийн хамгаалалт, ус зайлуулах шугам сүлжээ, засвар арчлалт, тохижилтын чиглэлээр нийт 26 төсөл хэрэгжүүлж байна. Эдгээрээс 20 төслийн гүйцэтгэл 85 хувьтай үргэлжилж, энэ онд  бүрэн дуусгахаар төлөвлөжээ.

Харин зургаан төслийг он дамжин хэрэгжүүлнэ. Тодруулбал, Хан-Уул дүүргийн Жаргалантын аманд үерийн хамгаалалтын сувгийн барилга угсралтын ажил, Баянзүрх дүүргийн 19 дүгээр хороонд “Ногоон орон сууц” төслийн хүрээнд хөрсний ус зайлуулах шугамын барилгын ажил, Баянгол дүүргийн Гандантэгчинлэн хийдийн гадна тохижилт, ус зайлуулах шугамын ажлын гүйцэтгэл тус тус 100 хувьтай байна.

Мөн 27 байршилд 48.323 шоо метр лаг, хагшаас цэвэрлэж, 13 байршилд насос худгийн засвар үйлчилгээ хийж хэвийн ажиллагааг хангажээ. Харин Сэлбэ голын үерийн ус хуримтлуулах усан сан болон далангийн дагуух тохижилтын ажил 30 хувийн гүйцэтгэлтэй үргэлжилж байгаа аж.

Энэ онд геодези, усны барилга байгууламжийн чиглэлээр 20 төсөл, ирэх онд 6 төсөл хэрэгжүүлэхээр төлөвлөсөн бөгөөд үүнд дараах чиглэлийн ажлууд багтжээ:

• Үерийн хамгаалалтын сувгийн ажил - 1
• Борооны ус зайлуулах шугамын ажил - 10
• Замын ус зайлуулах шугам, худгийн арчлалт засвар -3
• Сэргээн засах ажил-2
• Лаг, хагшаас цэвэрлэх ажил - 2
• Халиа, тошин багасгах ажил -1
• Насос станц, худгийн ажил - 1
• Мониторингийн цооногийн ашиглалт - 1
• Хөрсний ус зайлуулах шугам -2
• Тохижилтын ажил -2