Монгол Улсын хилийн боомтуудад үүсээд буй тээврийн саатал, хүнд суртал, зохицуулалтгүй ажиллагаа нь эдийн засгийн эргэлтийг зогсонги байдалд оруулж байгааг албаныхан мэдээллээ. 

Хилээр нэвтрэх тээврийн жолооч нар нэг удаа хил давахын тулд дунджаар 6 удаа саатаж, 136 цагийг алдаж байна. Энэ нь нэг жолоочийн зогсолт 100 гаруй компани, аж ахуйн нэгжийн үйл ажиллагаанд шууд нөлөөлж, хохирол учруулж байгааг дурдав.

Энэхүү нөхцөл байдлыг шийдвэрлэх зорилгоор Тэргүүн шадар сайд бөгөөд Эдийн засаг, хөгжлийн сайд Н.Учрал эрх бүхий байгууллагуудад 2025 оны 9 дүгээр сарын 31-ний дотор бодитой арга хэмжээ авч, асуудлыг шийдвэрлэх чиглэл өгчээ.

Мөн Засгийн газрын Хяналт хэрэгжүүлэх газар хил дээр хяналт, шалгалт хийж, дүгнэлт гарган, үр дүнг Засгийн газарт танилцуулах үүрэг хүлээжээ.