Засгийн газрын хэрэг эрхлэх газрын дарга С.Бямбацогт “Дарханы төмөрлөгийн үйлдвэр" ХХК-нд ажиллаж, нөхцөл байдалтай танилцлаа.

Тэрээр "1550 ажилтантай тус үйлдвэр төмрийн баяжмалын экспортыг өнгөрсөн оны мөн үеэс 530 мянган тонноор нэмэгдүүлж, борлуулалтын орлого нь 285 тэрбум төгрөгт хүрсэн байна.

Улс орон нутгийн төсөвт 38 тэрбум төгрөгийн татвар хураамж төвлөрүүлэхээс 51 тэрбум төгрөг төвлөрүүлжээ. Гэхдээ хаягдал төмөр боловсруулж ган үйлдвэрлэх үндсэн үйл ажиллагаа нь орхигдсон алдаа байна.

Жилд 120 мянган тонн хаягдал төмөр хайлуулж, 100 мянган тонн ган бүтээгдэхүүн үйлдвэрлэх хүчин чадалтай мөртөө ердөө 18 мянган тонн ган бүтээгдэхүүн үйлдвэрлэсэн нь хангалтгүй үзүүлэлт.

Гэтэл Монгол Улсын жилийн хэрэглээ 400 мянган тонн руу дөхөж байна. Ган төмөр, арматурын импортод жилд 400 сая орчим ам доллар гадагшаа урсаж байна" гэв.

Иймд:

• -Үндсэн ажил болох ган бүтээгдэхүүн үйлдвэрлэх ажилдаа онцгой анхаарч үйлдвэрлэлээ 2 дахин нэмэгдүүлэх,
• -Нойтон баяжуулах үйлдвэрээ ашиглаж, ашигт ажиллагааг нэмэгдүүлэх бодлогын шийдлүүд ойрын үед танилцуулах
• Орлогоо нэмэгдүүлж зардлаа бууруулах, худалдан авалтыг илүү тод болгох чиглэл өглөө.

Мөн хаягдал төмөр худалдан авах, ган бүтээгдэхүүн борлуулах сүлжээг оновчтой болгож, Уул уурхайн биржийн тухай хуулийг чанд мөрдөж ажиллахыг үүрэг болголоо.

Эх сурвалж: Монгол Улсын Засгийн Газар