3х3 сагсан бөмбөгийн оны тав дахь удаагийн challenger тэмцээн "Ulaanbaatar 2023"-ын хэсгийн шат өндөрлөлөө. Тэмцээний D хэсэгт Монголын гурван баг хоорондоо тоглосноос "Ulaanbaatar MMC Energy", "Sansar MMC Energy" багууд хэсгээ тэргүүлэн хасагдах шатанд шалгарав.

Хэсгийн шатны тоглолтуудын үр дүн:

• Ulaanbaatar MMC Energy 21-15 Amgalan
• Ulaanbaatar MMC Energy 22-14 Sansar MMC Energy
• Sansar MMC Energy 21-16 Amgalan

Хэсгээ тэргүүлсэн Ulaanbaatar MMC Energy баг шөвгийн наймд B хэсгийн хоёрдугаар байр Канадын "Toronto KBA" багтай маргааш 15.25 цагт тоглох бол Sansar MMC Energy баг B хэсгийн тэргүүн Бельгийн "Antwerp TOPdesk" багтай 16:00 цагт тоглоно.

Хэсгийн шатны 12 баг Үндэсний соёл амралтын хүрээлэнд хоёр хоног өрсөлдөх бөгөөд шилдэг хоёр баг нь наймдугаар сард Швейцарт болох 3х3 сагсан бөмбөгийн дэлхийн цуврал тэмцээний нэг, оны долоо дахь мастерс буюу "Lausanne 2023"-т оролцох эрхтэй болно.

"Ulaanbaatar 2023"-ын аваргууд 15 мянган ам.долларын шагналыг авах бол дэд байр 10 000, 3-р байр 6000, 4-р байр 5000 ам.долларыг өвөртөлнө.