Нийслэлийн Баянзүрх дүүргийн 26 дугаар хороо Их Монгол, Дүнжингарав худалдааны төвийн Авто замын уулзварт гарсан гал түймэртэй холбогдуулан УОК-ын  хуралдаан боллоо.

Шадар сайд С.Амарсайхан "Гал түймэрт орон сууцны барилгын гадна ил зогсоол болон автозам дээр байсан нийт 29 тээврийн хэрэгсэл их бага хэмжээгээр шатлагад өртсөн бол 10 иргэн түлэгдэж, гэмтсэн. Мөн улсын онцгой комиссоос нийслэлд үйл ажиллагаа явуулж буй шатахуун, газ, түлш нийлүүлдэг аж ахуйн нэгжүүдэд хяналт шалгалт явуулах ажлын хэсэг байгуулагдаж ажиллаж байна. 

Засгийн газрын нөөц хөрөнгөөс алба хаагчдын ар гэрт дэмжлэг үзүүлэх, түлэгдэж бэртсэн иргэдэд эмнэлгийн бүхий л төрлийн эмчилгээ, сувилгааг хийх, ар гэрт нь сэтгэлзүйн зөвлөгөө өгөх, галд өртөж шатсан автомашинуудын хохирлыг барагдуулах, айл, өрхүүдийг түрээсийн байранд амьдрахад шаардлагатай төсөв хөрөнгөөр дэмжлэг үзүүлнэ. Ажлын хэсгийг нийслэлийн Засаг даргын орлогч П.Сайнзориг ахална” гэлээ.