Монголын Хүүхдийн спортын зуны VII наадам Баянхонгор аймгийн төвд зохион байгуулагдаж байна. Наадмын үеэр тэмцээн уралдаанд оролцож буй баг тамирчдын аюулгүй байдлыг хангах үүднээс аймгийн төвийн авто замыг хэсэгчлэн хязгаарлах шийдвэрийг тус аймгийн Засаг дарга гаргажээ.  

Тээврийн хэрэгслийн хөдөлгөөнийг “Баялаг хотхоны уулзвараас Спорт хорооны уулзвар хүртэлх”, “Их номгон дэлгүүрийн гарцаас Хөгжимт драмын театр” хүртэлх замын хөдөлгөөнийг 2023 оны зургаадугаар сарын 19-29-нийг хүртэл 08:00 – 20:00 цагийн хооронд түр хязгаарлах юм байна. 

Мөн хүүхэд олноор цугласан газарт гэмт хэрэг, зөрчлөөс урьдчилан сэргийлэх зорилгоор Баянхонгор сумын хэмжээнд үйл ажиллагаа явуулдаг согтууруулах ундаа худалдах, түүгээр үйлчлэх тусгай зөвшөөрөлтэй ААН-ийг 2023.06.18-29-ний өдрүүдэд согтууруулах ундаа худалдах ААН, иргэн 21:00 цаг, түүгээр үйлчлэх ААН шөнийн 00:00 цагаас хойш үйл ажиллагаа явуулахыг хоригложээ. 

Мөн Согтууруулах ундааг зохистой хэрэглэж, олон нийтийн амгалан тайван байдал, нийтийн ашиг сонирхлын хүрээнд зөв соёлыг түгээхийг иргэд, аж ахуйн нэгжид уриаллаа.