Өнөөдөр Засгийн газрын ээлжит бус хуралдаан болсон юм. Хуралдаан дуусаж, Ерөнхий сайд иргэдэд хандан мэдээлэл өгч байна. 

Бид өнөөдөр хуралдан дараах шийдвэрийг гаргалаа:

-Дэлхий ерөтөнц, Монголчууд бид хүнд цаг үеийг туулж байна. Хүн төрөлхтөнд дэлхийн хоёрдугаар дайнаас хойш тохиолдоогүй хүнд цаг үеийг хамтдаа туулж байна. 1.6 сая хүн амь насаа алджээ. Х оногт 1 сая хүн шинээр халдвар авч буй өдрүүдэд бид амьдарч байна. Үүнээс үүдэн хүний нийгэм бүхэлдээ сульдан, дэлхийн эдийн засагт 12 их наяд ам.доллараар хэмжигдэх алдагдал үүслээ. Дахин 28 их наяд ам.доллартай тэнцх хөрөнгө гаргах зайлшгүй шаардлага үүсээд байна. Бид ч бас яггүй хүнд үеийг туулж байгааг та бүхэнд мэднэ. Энэ оны эхний 9 сарын байдлаар манай ДНБ-ий өсөлт 7.3 хувиар уналаа. Бид иргэдийнээ амь нас, эрүүл мэндийг хамгаалах, ААН-үүдийн үйл ажиллагааг хэвийн болгох, ажлын байр хадгалан авч үлдэх чиглэлийг барьж ажиллаж байна.

Айлуудын хэрэглээний халуун ус, цахилгаан болон ус, дулаан, хогны төлбөрийг энэ сарын 1-нээс ирэх оны 7 дугаар сар хүртэл ТЭГЛЭВ. Ингэхдээ 100 метр кв талбайн хэмжээнд дүйх төлбөрийг л хөнгөлнө. Хэрэв 120 метр кв талбайтай айл байвал зөрүү болох 20 м кв-ын үнээ өөрөө төлнө. Энэ шийдвэр манай 900 мянган өрхөд хамаатай.        

Төсөвт байгууллага, төрийн болон орон нутгийн өмчит хуулийн этгээд, банк, банк бус санхүүгийн байгууллага, уул уурхайн компаниуд, бөөний болон жижиглэн худалдааны тусгай зөвшөөрөл эзэмшигч, согтууруулах ундаа, тамхи үйлдвэрлэх тусгай зөвшөөрөл эзэмшигч гэх мэт нийт 9 салбараас бусад салбарын цахилгааны төлбөрийг ТЭГЛЭВ. Эдгээрийн төлбөрийг улсын төсвөөс биш харин “Эрдэнэт” үйлдвэр 650 тэрбум төгрөгөөр санхүүжүүлнэ. “Эрдэнэт” улсын  үйлдвэр  болсон. 

Сайжруулсан шахмал түлшний үнийг 50 хувь бууруулаад байсан бол 75 хувиар бууруулна. Үнэ бууруулснаар үүсэх зардлыг ЭТТ компани хариуцна.   

Эдгээр шийдвэр нийт долоон сарын турш хүчинтэй. Засгийн газраас авч хэрэгжүүлсэн энэ шийдвэрийн нөлөөгөөр талхны үнэ өсөхгүй. Суурь үнэ хэвээрээ байна.  Бид хаа хаанаа хохирол багатай даван туулах хэрэгтэй байна. Вакцин худалдан авч, бүх хүнээ хамруулах хүртэл бидэнд дахин 6-8 сарын хугацаа хэрэгтэй тул эдгээр шийдвэрийг гаргалаа. Дээрх төлбөрүүдийг тэглэснээр ААН-үүдэд томоохон дэмжлэг болно.           

"2019 онд 963 тэрбум 2020 онд 1 их наяд төгрөгийг давсан татварыг төлсөн. 42 жил ажилласан үйлдвэр маань нийгмийн хариуцлагын хүрээнд хийж байгаа зүйлд талархлаа  илэрхийлж байна" хэмээн Сангийн сайд Ч.Хүрэлбаатар хэллээ.

Сангийн сайд вакцины талаар дараах мэдээллийг өгөв. 
-Одоогоор хаанаас худалдан авах  талаар тодорхой мэдээлэл өгөх боломжгүй байна. Гэхдээ вакцин хийлгэх хүмүүсээ эрэмбэлсэн. 55-аас дээш настай хүмүүс, эмч, цагдаа, онцгой  байдлын алба хаагчид болон эдийн засгийн суурь салбарт ажиллагсдыг эхний ээлжинд хамруулна. Одоогоор гурван улс вакциынг бүртгээд байна. Бид холбогдох мэдээллийг цуглуулан, судалж байна. Эцсийн шийд гарахаар танилцуулна.