Хатуу хөл хориог үргэлжлүүлэх сунгах болсонтой холбоотойгоор иргэдэд санхүүгийн дэмжлэг үзүүлэх үү? гэсэн асуултад Шадар сайд С.Амарсайхан товч хариулав. 

Тэрбээр, Засгийн газрын бодлого цар тахлын энэ үед эдийн засаг, нийгмийн  асуудлуудыг зогсоохгүй байх тал дээр чиглэж ажиллана. Хатуу хөл хориог үргэлжлүүлэх болсонтой холбоотой иргэдэдээ дахин санхүүгийн дэмжлэг үзүүлэх талаар яригдаагүй. Засгийн газраас саяхан иргэнд бүрд 300 мянган төгрөг тараасан. Банкны зээлийн асуудлаар Сангийн яам, Монголбанк, арилжааны банкууд хамтарч ажиллаж байна.

Гурван хувийн хүүтэй зээл болон ипотекийн зээлийн хүсэлт нэмэгдэж байгаа. Иргэдийн зээлийн хүсэлтийг цаг алдалгүй шийдвэрлэх чиглэлийг Засгийн газраас өгч байгаа. 

-ААН-үүдийн НДШ-ийн төлөлтийг хойшлуулах талаар ямар арга хэмжээ авах вэ?
-НДШ-ийн төлөлтийн хугацааг хойшлуулах талаар иргэд, ААН-ийн хүсэлтийг харгалзан үзэж, энэ талаар Засгийн газрын  хуралдаанаар хэлэлцэж ХНХ-ын сайдад үүрэг өгсөн. УИХ-аар хэлэлцэн шийдвэрлүүлэх чиглэл өгсөн гэж ойлгож болно.