#CS2 The MongolZ Оросын "AMKAL ESPORTS" багийг дахин хожиж хагас шигшээд шалгарлаа.

300 мянган ам.долларын шагналын сантай CS2-ын "Skyesports Championship 2024" тэмцээн Энэтхэгийн Мумбай хотод үргэлжилж байна.

Энэхүү тэмцээнд урилгаар оролцож буй Монголын "The MongolZ" баг Playoff-ын эхний тоглолтоо Оросын "AMKAL ESPORTS" багтай хийж 2-0 (Dust II 13-7, Mirage 13-11) харьцаагаар хожлоо. Mirage map-ын эхний үе хожигдож эхлүүлсэн ч хоёрдугаар үед долоон үе дараалан авч ялав.

Хоёр баг өмнө нь "PGL CS2 Major Copenhagen 2024" тэмцээний хасагдах шатанд учраа таарахад монголын баг 2-1 (Nuke 13-2, Mirage 8-13, Inferno 13-10) харьцаагаар хожиж байв.

• The MongolZ Оросын багаас хариугаа авч, хэсгийн шатнаас шалгарах болзлоо хангалаа
• The MongolZ хоёр хожилтой хэсгээ тэргүүлж байна
• The MongolZ "IEM Rio" тэмцээнд урилгаар оролцох боллоо

Хэсгийн шатнаас гурван хожил, хоёр хожигдолтой Playoff-т шалгарсан The MongolZ ийнхүү хагас шигшээд Туркийн "Eternal Fire" багтай маргааш 15:30 цагаас тоглоно.

Таван өдрийн турш болох тэмцээнд Ази, Европын 12 баг оролцож байгаа дунд Оросын "BetBoom Team", "Aurora Gaming", Туркийн "Eternal Fire", Финландын "ENCE" зэрэг хүчирхэг багууд багтаж байна. The MongolZ тэмцээний "А" хэсэгт Aurora Gaming, Сингапурт төвтэй "BLEED Esports", ENCE, Оросын "PARIVISION", Энэтхэгийн "True Rippers Esports" багуудтай тоглож байна.

Хэсгийн тоглолтууд BO1 журмаар болсон бөгөөд хэсгээ тэргүүлсэн гурван баг Playoff-т шалгарсан. Хэсгийн тэргүүн баг шууд хагас шигшээ шатанд тоглож буй бол удаах хоёр баг бусад хэсгийн багуудтай хагас шигшээгийн эрхийн төлөө тоглосон юм.

The MongolZ-ын үр дүн, хуваарь:

• 07.23. The MongolZ 1-0 (Ancient 13-11) True Rippers Esports
• 07.24. The MongolZ 0-1 (Mirage 11-13) PARIVISION
• 07.24. The MongolZ 1-0 (Mirage 13-5) ENCE
• 07.25. The MongolZ 0-1 (Mirage 11-13) BLEED Esports
• 07.26. The MongolZ 1-0 (Ancient 13-4) Aurora Gaming