Экологийн цагдаагийн албанаас Нийслэлийн байгаль орчны газартай хамтран хуш модны болц гүйцээгүй самар түүж бэлтгэх гэмт хэрэг, зөрчилтэй тэмцэх эргүүл, хяналт шалгалтыг энэ оны наймдугаар сарын 9-ний өдөр Баянзүрх дүүргийн 35 дугаар хорооны нутаг дэвсгэр Баянголын ам, Уртын ам, Бурхант зэрэг газруудад зохион явуулжээ.

Шалгалтаар нийт дөрвөн отгийг илрүүлэн ойр орчмын хогийг цэвэрлүүлж, 18 тээврийн хэрэгсэл, 41 иргэнд мэдэгдэл, шаардлага өгч уулнаас буулгасан байна. 

Энэ шалгалтын хүрээнд гэмт хэргийн шинжтэй хоёр үйлдэлд 23 шуудай цайруулсан самар илрүүлэн, эд мөрийн баримтаар түр хураан авч мөрдөн шалгах ажиллагааг явуулж байна гэж Экологийн цагдаагийн албанаас мэдээлэв.