Дижитал технологи ашиглан мэдээллийн аюулгүй байдлаа хэрхэн хамгаалах, шийдлийн талаар тайлбарлаж, бусад байгууллагуудын туршлагыг хуваалцах “Digital Enterprise” арга хэмжээ амжилттай боллоо. Уг арга хэмжээг "Мобинет" ХХК зургаа дахь удаагаа зохион байгуулж буй бөгөөд өнөөдөр мэдээллийн аюулгүй байдал, үүлэн технологийн талаар мэргэжлийн экспертүүд илтгэл танилцууллаа. 

"Мобинет" ХХК нь сloud технологид суурилсан  аюулгүй байдлын үйлчилгээнүүдийг нэвтрүүлээд буй бөгөөд энэхүү үйлчилгээний давуу тал нь маш олон аж. Тухайлбал, компани болгон серверийн өрөөтэй болох гэвэл агааржуулалтын систем байршуулж, цахилгааны найдвартай эх үүсвэр болон нөөц эх үүсвэр суурилуулах, тохижуулах гээд их хэмжээний зардал гаргана.

Сервер захиалаад хэдэн сараар хүлээдэг бол үүлэн технологийн ачаар богино хугацаанд шийдэгдэнэ. Ашиглах хэмжээндээ тааруулан тохируулж өргөтгөх, эсвэл багасгах зэргийг байгууллагууд өөрсдөө шийдэж ашигласан хэмжээгээрээ төлбөрөө төлчихнө гээд хэрэглээг хялбарчилж байна. Дэлхийн хэмжээний үүлэн технологийн үйлчилгээг ашигласнаар бүхий л боломжийг хүртэх боломжтой аж.

"Мобинет" ХХК нь техник технологи улам бүр хөгжиж байгаа өнөө үед харилцагчтайгаа хамтдаа дэлхийтэй хөл нийлүүлэн алхахыг зорьж, шинэ шийдлүүдийг судалж, санал болгон ажилладаг гэдгийг тус компанийн Гүйцэтгэх захирал Ц.Идэрмөнх дурдав.

Тэрээр “Энэ удаагийн арга хэмжээ нь үүлэн технологи таны хэрэглээнд уриан дор өрнөж байна. Манай компанитай хамтарч ажилладаг мэдээлэл харилцааны байгууллагууд үүлэн технологийг танилцуулж байна. Мобинет компани хоёр жилийн өмнө “Azure Stack Hub” үйлчилгээг маш амжилттай нэвтрүүлж чадсан.

Одоогоор интернетээс үл хамааран олон улстай холбох холболтын үйлчилгээ болох үүлэн технологийн цогц үйлчилгээг нэвтрүүлэхээр бэлэн болсон. Мөн энэ жил Мобинет ХХК байгуулагдсаны 15 жилийн ой тохиож байна.  

Бид үүлэн технологиос гадна Монгол улсын хамгийн том дотоод сүлжээг нэвтрүүлэх төслийг хэрэгжүүллээ. ТТүүнчлэн VOO үйлчилгээ системийн шинэчлэл хийж хамгийн сүүлийн үеийн технологийн тусламжтайгаар хэрэглэхэд маш хялбар болж байгаа. Мөн төхөөрөмж маань шинэчлэгдсэнээр дугаралт, дүрсний чанар, удирдлагаасаа шууд Netflix Amazon Prime руу хандах гэх мэт маш олон давуу талыг олгох болно” гэлээ.  

Fortinet компанийн Монгол дахь төлөөлөгч Г.Жигдолма “Манай компани АНУ-д төвтэй, мэдээллийн аюулгүй байдлын тоног төхөөрөмж программ хангамжийг үйлдвэрлэдэг. Монголын зах зээлд байгууллагуудад программ хангамжийн бүтээгдэхүүнээ ашиглуулаад 12 жил болж байна.

Сүүлийн жилүүдэд байгууллагуудын мэдээллийн аюулгүй байдалд зорилтот халдлагууд ихэссэн.

Монгол дахь салбараа нээгээд 3 дахь жилдээ орж байна. Давхацсан бус тоогоор манай компанийн бүтээгдэхүүнийг ашиглаж буй 250 орчим жижиг дунд үйлдвэрлэгч, томоохон компаниуд бий. Энэ удаагийн арга хэмжээгээр байгууллагууд үүлэн технологи руу шилжин орохдоо мэдээллийн аюулгүй байдлаа хэрхэн хангах талаар мэдээллийг өгч байна.   

Байгууллагын хөгжлийг дижитал шилжилтээр тодорхойлдог. Үүнийг дагаад мэдээллийн аюулгүй байдлаа маш сайтар хангах шаардлагатай. Сүүлийн үед байгууллагуудын мэдээллийн аюулгүй байдалд зорилтот халдлагууд ихэссэн. Тийм учраас байгууллагууд мэдээллийн аюулгүй байдалдаа анхаарах зайлшгүй шаардлагатай” гэв.

Huawei компанийн Дижитал бизнесийн төлөөлөгч Г.Мөнхбат “Huawei компани Мобиком групптэй 2016 оноос хойш хамтарч ажиллаж байна. Анх 4G сүлжээг Монголд нэвтрүүлхээр хамтран ажилласан. Бусад харилцаа холбооны дагалдах систем, тоног төхөөрөмжүүдийг нэвтрүүлэхээр хамтарч ажилласан. Мөн Huawei  компанийн шилдэг бүтээгдэхүүнүүдийг Мобинет компани хариуцан худалддаг.

Мөн бид 2018 онд Монголын хамгийн өндөр стандарттай дата центрийг байгуулсан. Энэ жил бид хамгийн хурдан, дэвшилтэт технологи бүхий cloud  үйлчилгээний төхөөрөмжийг Монголд нэвтрүүлэх гэж байна.

Одоо үед Монголд ашиглагдаж байгаа зарим технологиуд, интернетийн сүлжээ, банкны аплекшнүүд, серверүүд тог тасрахад унадаг, тасалддаг шүү дээ. Харин бидний нэвтрүүлэх гэж буй төхөөрөмж ямар ч нөхцөлд ажиллах учир маш давуу талтай” гэв.