Дотоод худалдааны салбарын борлуулалтын орлого 2024 онд 67.8 их наяд төгрөгт хүрч, өмнөх оны мөн үеэс 8 их наядаар өсжээ. Худалдааны салбарын борлуулалтын орлогын 45.7 хувь нь бөөний худалдаа, 54.3 хувь нь жижиглэн худалдааны салбарт ногдож байна.

2024 онд худалдааны салбарын борлуулалтын орлогын 86.6 хувь нь Улаанбаатарт ногдож байна. Энэ салбарын орлогын 20.8 хувийг хүнсний бүтээгдэхүүн, 79.2 хувийг хүнсний бус бүтээгдэхүүн эзэлж байна.

Нийтийн хоолны салбарын орлого 2024 онд 1.7 их наяд хүрсэн нь өмнөх оноос 209.7 тэрбум төгрөгөөр өссөн. Үүнд:

• Рестораны орлого- 143.2 тэрбум төгрөг
• Катерингийн орлого- 28.1 тэрбум төгрөг
• Цайны газрын орлого- 9.6 тэрбум төгрөг болж өссөн нь голлон нөлөөлжээ.

2024 онд зочид буудлын салбарын орлого 614.5 тэрбум төгрөгт хүрсэн нь өмнөх оноос 69.6 тэрбумаар өссөн гэж ҮСХ-ноос мэдээллээ.