Төмөр замын тээврийн тухай хуулийн шинэчилсэн найруулгын төсөл УИХ-аар батлагдаж, энэхүү хууль нь 16 жилийн дараа шинэчлэгдэн батлагдсан билээ.

Тиймээс энэ оноос хэрэгжиж буй энэхүү хуульд тусгасан онцлог зүйл заалтуудыг танилцуулж байна.

• Төмөр замын тээвэрлэлттэй холбоотой суурь харилцаа илүү тодорхой, оновчтой болж, авилга ашиг сонирхлын зөрчлийг таслан зогсооно.
• Тээвэрлэлтийн үйл ажиллагаанд оролцогчдын тэгш оролцоог хангана.
• Суурь бүтэц болон хөдлөх бүрэлдэхүүний ашиглалт, засвар үйлчилгээ сайжирч, хөрөнгө оруулалт, тээврийн үр ашиг нэмэгдэнэ.
• Төмөр замын ажилтны нийгмийн баталгаа сайжирч, тогтвортой ажиллах нөхцөл боломж бүрдэнэ.
• Хөдөлгөөний аюулгүй байдлыг хангаж, хуулийн хийдэл, зөрчил давхардал арилж, зохицуулалтгүй байгаа зарим харилцаа тодорхой болно.
• Төмөр замын суурь бүтэц, хөдлөх бүрэлдэхүүний өмчлөл, эзэмшил, ашиглалтын эрх зүйн орчин илүү сайжирна. Олон улс, бүс нутаг, гадаад орны дэвшилтэт техник технологи эзэмших, инновац нэвтрүүлэх, хөрөнгө оруулалт татах боломж бүрдэж, тээврийн үр ашгийг нэмэгдүүлнэ.

Эх сурвалж: Зам, Тээврийн Яам