Оны эхний улирлын байдлаар бүртгэлтэй ажилгүй иргэдийн 25.3 хувь нь бакалаврын боловсролтой байгааг Хөдөлмөр, нийгмийн хамгааллын яамны тайлан харууллаа.

Ажил олгогчдын 5.3 хувь нь боловсролын зэргийг харгалзан цалин тогтоож байгааг Хөдөлмөр, нийгмийн хамгааллын яамны цалин хөлсний бүтцийн судалгаа харуулж байна.

Өнөөдрийн байдлаар улсын хэмжээнд 67 их, дээд сургууль үйл ажиллагаа явуулж байна. Ерөнхий боловсролын сургууль төгсөгчдийн 85 хувь нь дээд боловсрол эзэмшиж байгаа аж. Өөрөөр хэлбэл их, дээд сургууль төгсөж буй 30 хүний дунд нэг ажлын байр байгаа бол мэргэжлийн боловсрол эзэмшигч зургаан хүн тутмын дунд нэг ажлын байр байгаа талаар салбарын сайд онцолж байсан юм.

Үүнээс гадна 2022-2023 оны хичээлийн жилд СЭЗИС, СУИС, ХУИС, ШУТИС зэрэг томоохон их сургуулиуд сургалтын төлбөрөө нэмээд байна. Тухайлбал: ШУТИС кредит цагийн төлбөрөө өмнөх оноос 52 хувиар, ХУИС 60 хувиар, СЭЗИС 12 хувиар нэмжээ.

Долоодугаар сарын байдлаар хэрэглээний үнэ өмнөх оны мөн үеэс 15.7 хувиар өссөн үзүүлэлттэй байна. Өөрөөр хэлбэл сургалтын төлбөр хэрэглээний үнээс давсан өсөлттэй байгаа юм.

“Zangia.mn”-ээс явуулсан судалгаагаар ажил олгогчид мэргэжлийн зэрэгтэй эсвэл сурлага сайтай эсэхийг харгалзан ажилд авахаа больсон аж. Хамгийн гол нь ур чадвар, туршлага, бүтээмжтэй байхад анхаарал хандуулж байгааг тодотгожээ.

Дашрамд дурдахад: Их Британийн Ерөнхий сайдад өрсөлдөгч Риши Сунак “Оюутнуудын ирээдүйн орлогын чадавхыг нэмэгдүүлдэггүй их сургуулийн боловсролын зэргүүдийг хориглох”-оо амлаад байгаа юм.

“Zangia.mn”-ийн Үүсгэн байгуулагч Б.Түвшинтулга

“Эс Си Си” ХХК-ийн дэд Ерөнхийлөгч Ц.Анударь

Б.Есүйхулан