МАН-ын 31-р Их хурлын шийдвэр болон цаг үеийн асуудлаар МАН-ын дарга Н.Учрал, Ерөнхий нарийн бичгийн дарга Я.Содбаатар нар өнөөдөр мэдээлэл хийлээ.  

АН-ын дарга О.Цогтгэрэл УИХ-ын дарга намын дарга байх ёсгүйгээс гадна намын гишүүнээсээ түдгэлзэж, нам бус байх ёстой гэж байр сууриа илэрхийлсэн. УИХ-ын даргыг хэзээ томилох талаар тодруулахад МАН-ын Ерөнхий нарийн бичгийн дарга Я.Содбаатар хариулав.

Тэрбээр, УИХ-ын ээлжит сонгуулиар МАН 68 суудал буюу олонхийн санал авсан. Парламентад олонхийн санал авсан нам УИХ-ын даргад нэр дэвшүүлнэ. Улс төрийн бусад намтай зөвшилцөхгүй, ярилцахгүй УИХ-ын даргын асуудлыг бие даан шийднэ.

МАН-ын 31-р их хурлаар бид намын дотоод асуудлаа шийдсэн. Одоо төртэй холбоотой томилгоонуудыг ойрын өдрүүдэд хийнэ гэв.