Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
3
Япон судлалд зориулсан “Японы модернизац ба Хөгжил судлал” хөтөлбөрийг 2021 оноос эхлэн ЖАЙКА олон улсын хамтын ажиллагааны байгууллага Монгол Улсын их сургуультай хамтран хэрэгжүүлж буй.
Уг хөтөлбөрийн гол зорилго нь Азийн улс орнуудаас орчин үеийн хөгжил дэвшилд түрүүлж хүрсэн Япон маягийн хөгжлийн туршлагыг түүх, соёл гэх зэрэг олон талаас нь судлан суралцсанаар Монгол орны хөгжил болон Монгол-Японы харилцааг бэхжүүлэхэд гар бие оролцох Монголын ирээдүйн манлайлагчдыг бэлтгэхэд оршино.
Монгол Улсын Их сургууль болон ЖАЙКА-ийн Монгол дахь Төлөөлөгчийн газар хамтран “ЖАЙКА Chair”* буюу “Японы модернизац ба Хөгжил судлал” шинэ хичээлийн хөтөлбөрийг 2021 оноос цуврал лекц байдлаар хэрэгжүүлж эхэлсэн. “Японы модернизац ба Хөгжил судлал” хичээл нь 2023 оны 9 сараас МУИС-ийн Ази судлалын тэнхимийн Орон судлалын хөтөлбөрт уг хичээл шинээр нэмэгдэж, оюутнууд кредит цагийн дагуу судлах боломжтой болсон. Түүнээс хойш уг хөтөлбөрийн хүрээнд жилд хоёр удаа Японы эрдэмтэн, судлаачдыг Монголд урьж, тусгай лекцийг зохион байгуулдаг бөгөөд энэ удаад 9 дэх удаагийн тусгай, нээлттэй хичээлийг өнгөрөгч баасан гарагт /11.14/ танилцууллаа.
Энэ удаад оюутнуудад "Хүний аюулгүй байдал ба Монгол Улс" сэдвээр нээлттэй лекцэд илтгэл тавихаар Япон улсаас эрдэмтэн Минэ Ёоичи хүрэлцэн иржээ. Тэрбээр ЖАЙКА Японы олон улсын хамтын ажиллагааны байгууллагын Огата Садакогийн нэрэмжит Энх тайван ба хөгжлийн судалгааны хүрээлэнгийн захирал юм. Ноён Минэ Ёоичи энх тайван судлал, геополитик судлал, ялангуяа Зүүн хойд Ази, мөн Африкт хүний аюулгүй байдлын бодлого хэрхэн хэрэгждэг, олон улсын хамтын ажиллагааны талаар судалдаг эрдэмтэн юм. Бид түүнтэй Япон улсын хүний аюулгүй байдлын бодлогын талаар цөөн хором ярилцлаа.
"ХҮНИЙ АЮУЛГҮЙ БАЙДАЛ БОЛ МАШ ЧУХАЛ СЭДЭВ"
- Та монгол оюутнуудад хүргэх гэж буй лекцийн сэдвээ бидэнд товч танилцуулаач?
- Өнөөдөр миний хүргэх лекцийн сэдэв бол "Хүний аюулгүй байдал" бөгөөд тэр дундаа Монгол Улсад хүний аюулгүй байдлыг хэрхэн авч үзвэл зохистой талаарх агуулгыг хүргэх болно. Хүн бүр ирээдүйгээ итгэлтэйгээр төсөөлж чаддаг байх нь улс орны аюулгүй байдлыг бэхжүүлдэг тул хүний аюулгүй байдал маш чухал юм.
Бид аливаа нэгэн гамшигтай нүүр туллаа гэхэд эхэндээ дийлдээд, унасан ч заавал босож, сэргэх ёстой гэсэн зарчмыг баримталдаг.
- Япон улсад хүний аюулгүй байдлыг бодлого аль салбарт илүүтэй тод илэрдэг вэ?
- Манай улсад газар хөдлөлт гэх мэт байгалийн гамшиг их тохиолддогийг та бүхэн мэдэх байх. Тиймээс гамшгаас сэргийлэх, гамшигтай тэмцэх, түүний эсрэг арга хэмжээ авахад болон эрүүл мэндийн салбарт хүний аюулгүй байдал илүүтэй тод илэрдэг гэж хэлж болно.
- Таны бодлоор Японы улсын хүний аюулгүй байдлыг хамгаалах бодлогоос Монгол Улсад нэвтрүүлж, хэрэгжүүлж болохуйц нь юу вэ?
- Байгалийн гамшгийн эсрэг авах арга хэмжээг дурдаж болно. Нэг үгээр ард иргэдийн сөрөн тэсвэрлэх чадварыг нэмэгдүүлэхэд анхаарах явдал. Япончууд энэ тал дээр туршлагатай. Аливаа нэгэн гамшигтай нүүр туллаа гэхэд эхэндээ дийлдээд, унасан ч заавал босож, сэргэх ёстой гэсэн зарчмыг баримталдаг. Гамшгийн нөлөөнд автаад "ёроолдоо" унасан ч эргэж сэргэхдээ хүмүүс хоорондоо эвлэлдэн нэгдэж, хамтрах шаардлагатай байдаг. Тэгэхээр Япон улсаас суралцах гэхээсээ илүү санаа аваад өөрийн улсад нутагшуулж сөрөн тэсвэрлэх чадварыг нэмэгдүүлэх талаар бодлогод тусгах боломжтой.
- Харин нөгөөтээгүүр Монгол Улсад хүний аюулгүй байдлыг хангаж байгаа ямар туршлагыг авууштай гэж бодож байна вэ?
- Би сая Монгол-Японы эмнэлэгт зочиллоо. Тэнд зөвхөн иргэдэд эрүүл мэндийн тусламж үйлчилгээг хүргээд зогсохгүй, ирээдүйн эмч, сувилагч нарыг давхар бэлтгэн сургаж байна. Энэ нь цаашлаад Монгол орон даяар бүх ард иргэдэд эмнэлгийн тусламж үйлчилгээг хүртээмжтэй хүргэхэд чиглэсэн үр дүнтэй арга хэмжээ болох юм байна гэдэг сайхан сэтгэгдэл надад төрлөө. Хоёрдугаарт, өчигдөр 149-р сургуульд зочлоход хөгжлийн бэрхшээлтэй хүүхдүүдийг орхигдуулахгүйгээр боловсролыг хүртээмжтэй олгоход чиглэсэн үйл ажиллагааг хэрэгжүүлэхээс гадна байгаль орчинд ээлтэй төсөл хөтөлбөрийг нэвтрүүлжээ. Энэ зун Япон Улсын Цог Жавхлант Эзэн хаан, эрхэм дээд хатан нар Монгол оронд айлчлахдаа мөн дээрх газруудад зочилсон байсан. Эдгээр төсөл хөтөлбөрүүдийн хэрэгжилт нь хүний аюулгүй байдлыг хангахад хувь нэмэр оруулж буй нь бэлхнээ харагдаж гүн сэтгэгдэл төрүүлсэн.
“ЯПОН УЛСЫН ХӨГЖЛИЙН ОНЦЛОГ БОЛОН ТЭД АСУУДАЛ, БЭРХШЭЭЛЭЭ ХЭРХЭН ШИЙДВЭРЛЭЖ БУЙТАЙ ТАНИЛЦАХ БОЛОМЖИЙГ ОЛГОДОГ”
МУИС-ийн Шинжлэх ухааны сургуульд Ази судлалын тэнхимийн профессор С.Баттулга, /“Японы модернизац ба Хөгжил судлал” хөтөлбөрийн удирдагч, багш/
- МУИС-ийн Шинжлэх ухааны сургуульд Ази судлалын тэнхимийн хөтөлбөрт 2021 оноос Японы ЖАЙКА олон улсын байгууллагатай хамтран “Японы модернизац ба Хөгжил судлал” хөтөлбөрийг хэрэгжүүлж байна.
Уг хөтөлбөрийг энэ улиралд 30 оюутан сонгон судалж байна. Сүүлийн үед МУИС хөтөлбөрүүдээ олон талт, үр өгөөжтэй болгох чанарт ихээхэн анхаарч буй. Энэхүү хичээл нь монгол, японы эрдэмтдийн мэдлэг, судалгаанаас суралцахаас гадна практикт арга зүйг ашигладгаараа онцлогтой. Энэ хүрээнд ЖАЙКА Японы олон улсын хамтын ажиллагааны байгууллагын дэмжлэгтэйгээр Япон Улсаас эрдэмтэн, доктор хүрэлцэн ирж оюутнуудад лекц тавьдаг. Ирж байгаа багш нар тухайн сэдвийнхээ хүрээнд мэдлэг мэдээллээ хуваалцаж, ялангуяа Зүүн хойд азид тэр дундаа Монголд ач холбогдолтой сэдвүүдийг хөндөж ярьж, хэлэлцүүлэг өрнүүлдгээрээ онцлог. Нэгэнтээ ийм өндөр түвшний судлаачид ирдэг учраас зөвхөн энэ хичээлийг судалдаг оюутнууд төдийгүй, энэ сэдвийг сонирхдог иргэд, судлаачид, монголчуудыг сонирхох боломжийг олгож лекцээ нээлттэй зохион байгуулдаг.
Уг хамтын ажиллагааны гол зорилго нь бид Япон улсын орчин үеийн хөгжлийн түүхийг маш олон талын (салбарын) өнцгөөс судлангаа манай улсын хөгжлийн тодорхойлолт, гаднын туршлагаас авах гээхийн ухаанаар хэрхэн хандах, Япон улс хөгжлийн ямар онцлогтой, өнөө цагт тулгарч буй асуудал, бэрхшээлийг тэд хэрхэн шийдвэрлэж, даван туулж буйтай танилцахын зэрэгцээ өөрийн улсын хөгжлийг эргэцүүлэх боломжтой юм. Уг хөтөлбөрийг сонгосон оюутнууд ирээдүйд илүүтэй бодлогын салбарт ажиллах учир тэднийг идэвхтэй оролцуулахыг эрмэлздэг.
"ЦААШДАА ДИПЛОМАТ АЛБАНЫ САЛБАРТ АЖИЛЛАХ МИНИЙ ХУВЬД ҮНЭТЭЙ МЭДЛЭГ, МЭДЭЭЛЭЛ БОЛДОГ"
МУИС-ийн Олон улсын харилцаа хөтөлбөрийн оюутан, “Японы модернизац ба Хөгжил судлал” хичээлийн сонгон суралцагч М.Маралмаа:
- Өмнө нь уг хөтөлбөрийн хүрээнд "Япон улсын эдийн засаг, нийгмийн шилжилт, нийгэм хамгаалал" гэсэн сэдвийн тусгай лекцэд ирж оролцож байсан. Надад маш их таалагдсан. Хоёр улс дипломат харилцааны хүрээнд бие биеэсээ суралцах зүйлс их бий. Цаашид тухайн улсын юунаас суралцаж болох, магадгүй тэдний гаргасан алдааг бид давтахгүй байж болох талаас нь сонирхолтой мэдлэг, мэдээлэл сонссон.
Өнөөдөр ч мөн хүний аюулгүй байдал ба түүний бодлогын талаар мэдлэгээ өргөжүүлж буйдаа баяртай байна. Өдгөө олон улсын харилцааны чиглэлээр суралцаж, цаашдаа дипломат албаны салбарт ажиллах зорилго тээсэн миний хувьд үнэтэй мэдлэг, мэдээлэл болдог. Магадгүй би цаашдаа хоёр улсын хамтын ажиллагааг сайжруулахад хувь нэмрээ оруулах нэгэн болоход энэхүү хөтөлбөр надад үнэтэй хувь нэмэр оруулах болно.
"ХҮНИЙ АЮУЛГҮЙ БАЙДЛЫГ ХАНГАХАД ХҮНИЙ ЧАДАВХЫГ БЭХЖҮҮЛЭХ ШААРДЛАГАТАЙ"
ЖАЙКА Японы олон улсын хамтын ажиллагааны байгууллагын дэмжлэгтэйгээр МУИС-тай хамтран “Японы модернизац ба Хөгжил судлал” хөтөлбөрийг хэрэгжүүлж байгаа ба Монгол Улсад өөр бусад ямар төсөл хөтөлбөрийг амжилттай хэрэгжүүлж буй талаар сонирхлоо.
ЖАЙКА Японы олон улсын хамтын ажиллагааны байгууллагын Монгол дах төлөөлөгчийн газрын дарга Мияги Кэнсүкэ:
- Монголд хүний аюулгүй байдлыг хангах, ялангуяа иргэдийг чадавхжуулах үүднээс боловсролын салбарт илүүтэй анхаарсан төсөл хөтөлбөрүүдийг бид хэрэгжүүлдэг. Тодруулбал сургуулийн хүртээмжийг нэмэгдүүлэхээр сургуулийн барилгуудыг шинэчлэн барих, өргөжүүлэх төслүүдийг хэрэгжүүлж байна. Мөн алслагдсан нутагт амьдардаг хүүхдүүдийг чанартай боловсрол хүргэх үүднээс Боловсролын яамтай хамтран төсөл хөтөлбөр хэрэгжүүлэн ажиллаж буй.
Хүний аюулгүй байдлыг хангахад хүний чадавхыг бэхжүүлэхээс гадна төрийн зүгээс хүнийг хамгаалах шаардлагатай зайлшгүй тулгардаг. Тийм ч учраас бид Монгол Улсын Эрүүл мэндийн салбарт хэрэгжүүлсэн төслүүдээс дурдвал, Монгол-Японы эмнэлэг байна. Тус эмнэлэгт зөвхөн эрүүл мэндийн тусламж үйлчилгээг ард иргэдэд хүргээд зогсохгүй эмч болон сувилагчийг сургаж, чадавхжуулахад анхаардаг.
ЖАЙКА Японы олон улсын хамтын ажиллагааны байгууллага нь МУИС-тай хамтран өөр бусад төсөл хөтөлбөрийг мөн хэрэгжүүлдэг. Токиогийн их сургуультай хамтран хөрсний судалгааг хийж байна. Учир нь дэлхий нийтийн асуудал болоод буй уур амьсгалын өөрчлөлтөөс үүдсэн бэлчээрийн доройтлын асуудал тулгамдаад буй. Тиймээс бэлчээр хамгаалах уламжлалт аргатай хослуулсан аргачлалын судалгааг хамтран зохион байгуулж байна.
Япон судлалд зориулсан “Японы модернизац ба Хөгжил судлал” хөтөлбөрийг 2021 оноос эхлэн ЖАЙКА олон улсын хамтын ажиллагааны байгууллага Монгол Улсын их сургуультай хамтран хэрэгжүүлж буй.
Уг хөтөлбөрийн гол зорилго нь Азийн улс орнуудаас орчин үеийн хөгжил дэвшилд түрүүлж хүрсэн Япон маягийн хөгжлийн туршлагыг түүх, соёл гэх зэрэг олон талаас нь судлан суралцсанаар Монгол орны хөгжил болон Монгол-Японы харилцааг бэхжүүлэхэд гар бие оролцох Монголын ирээдүйн манлайлагчдыг бэлтгэхэд оршино.
Монгол Улсын Их сургууль болон ЖАЙКА-ийн Монгол дахь Төлөөлөгчийн газар хамтран “ЖАЙКА Chair”* буюу “Японы модернизац ба Хөгжил судлал” шинэ хичээлийн хөтөлбөрийг 2021 оноос цуврал лекц байдлаар хэрэгжүүлж эхэлсэн. “Японы модернизац ба Хөгжил судлал” хичээл нь 2023 оны 9 сараас МУИС-ийн Ази судлалын тэнхимийн Орон судлалын хөтөлбөрт уг хичээл шинээр нэмэгдэж, оюутнууд кредит цагийн дагуу судлах боломжтой болсон. Түүнээс хойш уг хөтөлбөрийн хүрээнд жилд хоёр удаа Японы эрдэмтэн, судлаачдыг Монголд урьж, тусгай лекцийг зохион байгуулдаг бөгөөд энэ удаад 9 дэх удаагийн тусгай, нээлттэй хичээлийг өнгөрөгч баасан гарагт /11.14/ танилцууллаа.
Энэ удаад оюутнуудад "Хүний аюулгүй байдал ба Монгол Улс" сэдвээр нээлттэй лекцэд илтгэл тавихаар Япон улсаас эрдэмтэн Минэ Ёоичи хүрэлцэн иржээ. Тэрбээр ЖАЙКА Японы олон улсын хамтын ажиллагааны байгууллагын Огата Садакогийн нэрэмжит Энх тайван ба хөгжлийн судалгааны хүрээлэнгийн захирал юм. Ноён Минэ Ёоичи энх тайван судлал, геополитик судлал, ялангуяа Зүүн хойд Ази, мөн Африкт хүний аюулгүй байдлын бодлого хэрхэн хэрэгждэг, олон улсын хамтын ажиллагааны талаар судалдаг эрдэмтэн юм. Бид түүнтэй Япон улсын хүний аюулгүй байдлын бодлогын талаар цөөн хором ярилцлаа.
"ХҮНИЙ АЮУЛГҮЙ БАЙДАЛ БОЛ МАШ ЧУХАЛ СЭДЭВ"
- Та монгол оюутнуудад хүргэх гэж буй лекцийн сэдвээ бидэнд товч танилцуулаач?
- Өнөөдөр миний хүргэх лекцийн сэдэв бол "Хүний аюулгүй байдал" бөгөөд тэр дундаа Монгол Улсад хүний аюулгүй байдлыг хэрхэн авч үзвэл зохистой талаарх агуулгыг хүргэх болно. Хүн бүр ирээдүйгээ итгэлтэйгээр төсөөлж чаддаг байх нь улс орны аюулгүй байдлыг бэхжүүлдэг тул хүний аюулгүй байдал маш чухал юм.
Бид аливаа нэгэн гамшигтай нүүр туллаа гэхэд эхэндээ дийлдээд, унасан ч заавал босож, сэргэх ёстой гэсэн зарчмыг баримталдаг.
- Япон улсад хүний аюулгүй байдлыг бодлого аль салбарт илүүтэй тод илэрдэг вэ?
- Манай улсад газар хөдлөлт гэх мэт байгалийн гамшиг их тохиолддогийг та бүхэн мэдэх байх. Тиймээс гамшгаас сэргийлэх, гамшигтай тэмцэх, түүний эсрэг арга хэмжээ авахад болон эрүүл мэндийн салбарт хүний аюулгүй байдал илүүтэй тод илэрдэг гэж хэлж болно.
- Таны бодлоор Японы улсын хүний аюулгүй байдлыг хамгаалах бодлогоос Монгол Улсад нэвтрүүлж, хэрэгжүүлж болохуйц нь юу вэ?
- Байгалийн гамшгийн эсрэг авах арга хэмжээг дурдаж болно. Нэг үгээр ард иргэдийн сөрөн тэсвэрлэх чадварыг нэмэгдүүлэхэд анхаарах явдал. Япончууд энэ тал дээр туршлагатай. Аливаа нэгэн гамшигтай нүүр туллаа гэхэд эхэндээ дийлдээд, унасан ч заавал босож, сэргэх ёстой гэсэн зарчмыг баримталдаг. Гамшгийн нөлөөнд автаад "ёроолдоо" унасан ч эргэж сэргэхдээ хүмүүс хоорондоо эвлэлдэн нэгдэж, хамтрах шаардлагатай байдаг. Тэгэхээр Япон улсаас суралцах гэхээсээ илүү санаа аваад өөрийн улсад нутагшуулж сөрөн тэсвэрлэх чадварыг нэмэгдүүлэх талаар бодлогод тусгах боломжтой.
- Харин нөгөөтээгүүр Монгол Улсад хүний аюулгүй байдлыг хангаж байгаа ямар туршлагыг авууштай гэж бодож байна вэ?
- Би сая Монгол-Японы эмнэлэгт зочиллоо. Тэнд зөвхөн иргэдэд эрүүл мэндийн тусламж үйлчилгээг хүргээд зогсохгүй, ирээдүйн эмч, сувилагч нарыг давхар бэлтгэн сургаж байна. Энэ нь цаашлаад Монгол орон даяар бүх ард иргэдэд эмнэлгийн тусламж үйлчилгээг хүртээмжтэй хүргэхэд чиглэсэн үр дүнтэй арга хэмжээ болох юм байна гэдэг сайхан сэтгэгдэл надад төрлөө. Хоёрдугаарт, өчигдөр 149-р сургуульд зочлоход хөгжлийн бэрхшээлтэй хүүхдүүдийг орхигдуулахгүйгээр боловсролыг хүртээмжтэй олгоход чиглэсэн үйл ажиллагааг хэрэгжүүлэхээс гадна байгаль орчинд ээлтэй төсөл хөтөлбөрийг нэвтрүүлжээ. Энэ зун Япон Улсын Цог Жавхлант Эзэн хаан, эрхэм дээд хатан нар Монгол оронд айлчлахдаа мөн дээрх газруудад зочилсон байсан. Эдгээр төсөл хөтөлбөрүүдийн хэрэгжилт нь хүний аюулгүй байдлыг хангахад хувь нэмэр оруулж буй нь бэлхнээ харагдаж гүн сэтгэгдэл төрүүлсэн.
“ЯПОН УЛСЫН ХӨГЖЛИЙН ОНЦЛОГ БОЛОН ТЭД АСУУДАЛ, БЭРХШЭЭЛЭЭ ХЭРХЭН ШИЙДВЭРЛЭЖ БУЙТАЙ ТАНИЛЦАХ БОЛОМЖИЙГ ОЛГОДОГ”
МУИС-ийн Шинжлэх ухааны сургуульд Ази судлалын тэнхимийн профессор С.Баттулга, /“Японы модернизац ба Хөгжил судлал” хөтөлбөрийн удирдагч, багш/
- МУИС-ийн Шинжлэх ухааны сургуульд Ази судлалын тэнхимийн хөтөлбөрт 2021 оноос Японы ЖАЙКА олон улсын байгууллагатай хамтран “Японы модернизац ба Хөгжил судлал” хөтөлбөрийг хэрэгжүүлж байна.
Уг хөтөлбөрийг энэ улиралд 30 оюутан сонгон судалж байна. Сүүлийн үед МУИС хөтөлбөрүүдээ олон талт, үр өгөөжтэй болгох чанарт ихээхэн анхаарч буй. Энэхүү хичээл нь монгол, японы эрдэмтдийн мэдлэг, судалгаанаас суралцахаас гадна практикт арга зүйг ашигладгаараа онцлогтой. Энэ хүрээнд ЖАЙКА Японы олон улсын хамтын ажиллагааны байгууллагын дэмжлэгтэйгээр Япон Улсаас эрдэмтэн, доктор хүрэлцэн ирж оюутнуудад лекц тавьдаг. Ирж байгаа багш нар тухайн сэдвийнхээ хүрээнд мэдлэг мэдээллээ хуваалцаж, ялангуяа Зүүн хойд азид тэр дундаа Монголд ач холбогдолтой сэдвүүдийг хөндөж ярьж, хэлэлцүүлэг өрнүүлдгээрээ онцлог. Нэгэнтээ ийм өндөр түвшний судлаачид ирдэг учраас зөвхөн энэ хичээлийг судалдаг оюутнууд төдийгүй, энэ сэдвийг сонирхдог иргэд, судлаачид, монголчуудыг сонирхох боломжийг олгож лекцээ нээлттэй зохион байгуулдаг.
Уг хамтын ажиллагааны гол зорилго нь бид Япон улсын орчин үеийн хөгжлийн түүхийг маш олон талын (салбарын) өнцгөөс судлангаа манай улсын хөгжлийн тодорхойлолт, гаднын туршлагаас авах гээхийн ухаанаар хэрхэн хандах, Япон улс хөгжлийн ямар онцлогтой, өнөө цагт тулгарч буй асуудал, бэрхшээлийг тэд хэрхэн шийдвэрлэж, даван туулж буйтай танилцахын зэрэгцээ өөрийн улсын хөгжлийг эргэцүүлэх боломжтой юм. Уг хөтөлбөрийг сонгосон оюутнууд ирээдүйд илүүтэй бодлогын салбарт ажиллах учир тэднийг идэвхтэй оролцуулахыг эрмэлздэг.
"ЦААШДАА ДИПЛОМАТ АЛБАНЫ САЛБАРТ АЖИЛЛАХ МИНИЙ ХУВЬД ҮНЭТЭЙ МЭДЛЭГ, МЭДЭЭЛЭЛ БОЛДОГ"
МУИС-ийн Олон улсын харилцаа хөтөлбөрийн оюутан, “Японы модернизац ба Хөгжил судлал” хичээлийн сонгон суралцагч М.Маралмаа:
- Өмнө нь уг хөтөлбөрийн хүрээнд "Япон улсын эдийн засаг, нийгмийн шилжилт, нийгэм хамгаалал" гэсэн сэдвийн тусгай лекцэд ирж оролцож байсан. Надад маш их таалагдсан. Хоёр улс дипломат харилцааны хүрээнд бие биеэсээ суралцах зүйлс их бий. Цаашид тухайн улсын юунаас суралцаж болох, магадгүй тэдний гаргасан алдааг бид давтахгүй байж болох талаас нь сонирхолтой мэдлэг, мэдээлэл сонссон.
Өнөөдөр ч мөн хүний аюулгүй байдал ба түүний бодлогын талаар мэдлэгээ өргөжүүлж буйдаа баяртай байна. Өдгөө олон улсын харилцааны чиглэлээр суралцаж, цаашдаа дипломат албаны салбарт ажиллах зорилго тээсэн миний хувьд үнэтэй мэдлэг, мэдээлэл болдог. Магадгүй би цаашдаа хоёр улсын хамтын ажиллагааг сайжруулахад хувь нэмрээ оруулах нэгэн болоход энэхүү хөтөлбөр надад үнэтэй хувь нэмэр оруулах болно.
"ХҮНИЙ АЮУЛГҮЙ БАЙДЛЫГ ХАНГАХАД ХҮНИЙ ЧАДАВХЫГ БЭХЖҮҮЛЭХ ШААРДЛАГАТАЙ"
ЖАЙКА Японы олон улсын хамтын ажиллагааны байгууллагын дэмжлэгтэйгээр МУИС-тай хамтран “Японы модернизац ба Хөгжил судлал” хөтөлбөрийг хэрэгжүүлж байгаа ба Монгол Улсад өөр бусад ямар төсөл хөтөлбөрийг амжилттай хэрэгжүүлж буй талаар сонирхлоо.
ЖАЙКА Японы олон улсын хамтын ажиллагааны байгууллагын Монгол дах төлөөлөгчийн газрын дарга Мияги Кэнсүкэ:
- Монголд хүний аюулгүй байдлыг хангах, ялангуяа иргэдийг чадавхжуулах үүднээс боловсролын салбарт илүүтэй анхаарсан төсөл хөтөлбөрүүдийг бид хэрэгжүүлдэг. Тодруулбал сургуулийн хүртээмжийг нэмэгдүүлэхээр сургуулийн барилгуудыг шинэчлэн барих, өргөжүүлэх төслүүдийг хэрэгжүүлж байна. Мөн алслагдсан нутагт амьдардаг хүүхдүүдийг чанартай боловсрол хүргэх үүднээс Боловсролын яамтай хамтран төсөл хөтөлбөр хэрэгжүүлэн ажиллаж буй.
Хүний аюулгүй байдлыг хангахад хүний чадавхыг бэхжүүлэхээс гадна төрийн зүгээс хүнийг хамгаалах шаардлагатай зайлшгүй тулгардаг. Тийм ч учраас бид Монгол Улсын Эрүүл мэндийн салбарт хэрэгжүүлсэн төслүүдээс дурдвал, Монгол-Японы эмнэлэг байна. Тус эмнэлэгт зөвхөн эрүүл мэндийн тусламж үйлчилгээг ард иргэдэд хүргээд зогсохгүй эмч болон сувилагчийг сургаж, чадавхжуулахад анхаардаг.
ЖАЙКА Японы олон улсын хамтын ажиллагааны байгууллага нь МУИС-тай хамтран өөр бусад төсөл хөтөлбөрийг мөн хэрэгжүүлдэг. Токиогийн их сургуультай хамтран хөрсний судалгааг хийж байна. Учир нь дэлхий нийтийн асуудал болоод буй уур амьсгалын өөрчлөлтөөс үүдсэн бэлчээрийн доройтлын асуудал тулгамдаад буй. Тиймээс бэлчээр хамгаалах уламжлалт аргатай хослуулсан аргачлалын судалгааг хамтран зохион байгуулж байна.
