Дэлхийн II дайн дууссаны 80 жилийн ойд зориулсан цэргийн парадыг Бээжингийн Тяньанмэний талбайд зохион байгуулж байна.  Уг хүндэтгэлийн үйл ажиллагаанд Монгол Улсын Ерөнхийлөгч У.Хүрэлсүх, Тэргүүн хатагтай Л.Болорцэцэг нар хүрэлцэн ирлээ. 

Оросын Ерөнхийлөгч Владимир Путин, Хойд Солонгосын удирдагч Ким Жон Ун тэргүүтэй 26 улсын төрийн тэргүүн мөн хүрэлцэн иржээ. 

Хятадын удирдагч Ши Жиньпин зэвсэгт хүчнээ магтан хэлсэн үгэндээ тэрээр Хятадын өсөлт “Зогсолтгүй урагшлах Хятад” гэж мэдэгдэв.

Оросын Ерөнхийлөгч Владимир Путин, Хойд Солонгосын удирдагч Ким Жон Ун нар Ши Жиньпиний хоёр талд дагалдан Тяньанмэний талбайгаар хамт алхжээ. Энэхүү зураглал нь түүхэн үйл явдал боллоо хэмээн шинжээчид үзэж буй. Учир нь Ши, Путин, Ким гурван удирдагч анх удаа хамт уулзаж буй нь энэ аж. 

10 мянга гаруй цэрэг, хэдэн зуун орчин үеийн зэвсэг техникийг танилцуулсан энэхүү парад нь дэлхийн хамгийн том зэвсэгт хүчнийг орчин үеийн болгож буй Ши Жиньпиний бодлогын хүрээнд Хятадын цэргийн хүч хэрхэн өсөн нэмэгдсэнийг харууллаа. 

Мөн Хятадын тив алгасах чадалтай, цөмийн шинэ загварын баллистик пуужинг тэд харсан бөгөөд энэ нь 12 хүртэл цохилтын хошуу тээвэрлэх чадвартай аж. Шинжээчид энэхүү парадад шинэ төрлийн пуужин, хүний удирдлагагүй усан доорх дрон, сөнөөгч онгоцнуудыг танилцуулна гэж таамаглаж байна.

Эх сурвалж: BBC Live