Тэргүүн шадар сайд Н.Учрал өнөөдөр (2025.08.18) Япон улсаас Монгол улсад суугаа Онц бөгөөд Бүрэн эрхт Элчин сайд Игавахара Масарүтэй уулжээ.

Уулзалтын үеэр хоёр улсын өндөр дээд хэмжээний айлчлалуудтай холбоотой хамтын ажиллагаа улам бэхжиж байгааг талууд онцлон эдийн засгийн түншлэлийн хэлэлцээрийг хэрхэн үр дүнтэй үргэлжлүүлэх талаар санал солилцов.

Түүнчлэн, Эдийн засгийн түншлэлийн хэлэлцээрийг хэрхэн үр дүнтэй үргэлжлүүлэх талаар санал солилцлоо. Эдийн засгийн түншлэлийн хүрээнд 2 улсын гадаад худалдааны тэнцэлд Японы тал 90 гаруй хувийг эзэлж байгаа нь түншлэлийг цаашид дараагийн шатанд гаргах зайлшгүй шаардлага байгааг харуулж байна.

Тэргүүн шадар сайд УИХ-ын намрын чуулганаар батлагдах стандарт тохирлын үнэлгээний шинэ хууль нь хоёр тал харилцан стандартаа тохируулахад засгийн газар анхаарч ажиллаж байгааг мөн дурдлаа.

Дээрээс нь Монгол улсын гаалийн байгууллагатай холбоотой нийтлэг журмын шинэчлэлийг боловсруулж байгааг танилцуулж, үүний хүрээнд бизнесийн орчны хүнд суртал буурч, шинээр бизнес эхлүүлэхэд таатай орчин бүрдэх боломж гэдгийг онцолсон байна.

Талууд Японы зах зээлийг чиглэсэн Монголын экспортын боломжийг ХАА, газар тариалан, аялал жуулчлал зэрэг нөөцөд тулгуурлан тэлж болохыг онцолж, Монголын засгийн газраас хувийн хэвшил, жижиг дунд үйлдвэрлэл, бизнесийн эрх чөлөөнд илүү анхаарч байгааг хэлэлцэв.

Японы бизнесийн төлөөлөгчид Монгол улсаас экспорт хийх боломжийг илүү сонирхож буйг Элчин сайд Игавахара Масарү дурдаад, УИХ-аар батлагдах шинэ хууль нь Японы хөрөнгө оруулагчдад олон боломжийг нээх болно гэдэгт найдаж байгаагаа илэрхийллээ.

Эх сурвалж: Эдийн засаг, хөгжлийн яам