Өнөөдөр Засгийн газрын ээлжит бус хурал болжээ. Хуралдаанаас гаргасан шийдвэрийг ЭЗХ-ийн сайд Н.Учрал танилцуулж байна. Тэрээр "Төсвийн энэ оны орлого 3.3 их наяд төгрөгөөр тасарсан. Өмнөх Засгийн газраас 14 мега төсөл хэрэгжүүлэхээр Засгийн газрын тогтол баталсан. Бид эдгээр төслийг эрэмбэллээ. 

Гашуунсухайт -Ганцмод хил холболтын төмөр зам барих ажил урд хил дээр эхэлсэн. БНХАУ ажлаа эхэлсэн, манай тал ирэх сард ажлаа эхлүүлнэ. Энэ төслийг хэрэгжүүлэхийн тулд БНХАУ-ын Хөгжил шинэтгэлийн хороотой гэрээ байгуулсан. Энэ мэт бэлтгэлийг нь хангасан төслүүдийг үргэлжлүүлнэ. Харин зарим төслийг хойшлуулна. Ирэх лхагва гарагт болох Засгийн газрын хуралдааны дараа дэлгэрэнгүй мэдээлэл өгнө.

Маргааш Эдийн засгийн форум болно. 1000 орчим зочин оролцох юм байна. "Эдийн засгийн форум" ТББ зохион байгуулдаг. Энэ жил төр ямар зардал гаргасан гэхээр зөвхөн төрийн албан хаагчдын мандатын төлбөрийг төлсөн. Өөр зардал гаргаагүй" гэв.  

Мөн тэрээр эдийн засаг агшиж буй өнөөгийн нөхцөлд төр эсрэгээр нь төсвөө тэлэх ёстой. Монголбанкнаас авсан мэдээллээр манай улсын гадаад валютын нөөц  5.2 тэрбум ам.доллар байна гэв.