Монголын эдийн засгийн форум 2025 өнөөдөр хоёр дахь өдрөө Төрийн ордонд үргэлжилж байна. 

Энэ үеэр УИХ-ын гишүүн Т.Доржханд байр сууриа илэрхийллээ. Тэрээр, уул уурхайн салбараас гадна эрчим хүчний асар их боломж бидэнд бий. Учир нь технологи хөгжихийн хэрээр эрчим хүч шаардагддаг болсон. Тэр дотроо цэвэр эрчим хүч. Бид цэвэр эрчим хүчийг экспортолж, орлого олох боломжтой.

Арваад жилийн өмнө Монгол Улсын эдийн засаг 17 хувьд хүрсэн. Ингэснээр цаашид хөгжинө гэсэн итгэл найдвар бидэнд байсан. Энэ үе  бол уул уурхайн давлагааны үе. Гэтэл үүнээс илүү давлагаа үүссэн. Энэ бол технологийн үе. Асар их цэвэр эрчим хүч шаардагддаг.

Дэлхийд 2050 он гэхэд одоогийнхоос 5-7 дахин их эрчим хүч хэрэглэнэ гэсэн тооцоолол гарсан. Эрчим хүчний нэг эх үүсвэр нь Уран. Ураны нөөц бидэнд бий ч ашиглаж, үйлдвэр барихын тулд дор хаяж найман жил зарцуулагдана.

Дараагийн эх үүсвэр бол сэргээгдэх эрчим хүч буюу нар, салхи. Манайд тооцоологдсон эрчим хүчний чадал нь 2.6 ТВт. Үүнээс ашиглах боломжтой нь 14 ТВт. Гэтэл Хятад улсын жилийн хэрэглээ нь 2 ТВт байдаг.

Бид хөрөнгө оруулалтаа татаж чадахгүй асар их боломжоо алдаж байна. Иймд үүнд чиглэсэн бодит ажил хийгдэж байна" гэв.

ШУУД ҮЗЭХ: