Монголбанкны удирдлагууд өнөөдөр сэтгүүлчидтэй уулзан, эдийн засгийн нөхцөл байдлыг танилцуулав.

Энэ үеэр АНУ-ын тарифын бодлого, манай улсад нөлөөлж болзошгүй сувгуудыг дурдав.

АНУ-ын Ерөнхийлөгч Доналд Трамп ирэх дөрвөн жилд урд хөрш БНХАУ-тай худалдааны дайнаа үргэлжлүүлэх нь тодорхой болов.

Мөн Канад, Мексик, Европын холбоо гэх мэт гадаад худалдааны өндөр алдагдал улсуудын эсрэг импортын өндөр татвар оногдуулж эхэллээ. АНУ-ын шинэ түүхэнд Есдүгээр сарын 11-нөөс өмнөх болон дараах үе гэсэн хэллэг бий. Харин одоо судлаачид Америкийн 20-р зууны болон дэлхийн эдийн засгийг Трампын өмнөх болон дараах үе гэж хувааж болох талаар хөндөж байна.

Дэлхийн хамгийн баян улс болон АНУ-ын Ерөнхийлөгчийн татварын шийдвэрүүд жижиг Монголд хэрхэн нөлөөлөх вэ?

Төв банкны эдийн засагчид, судлаачид дараах таамаглалыг дэвшүүлэв:

АНУ-ын Ерөнхийлөгч Трамп сонгуулиар амласны дагуу тарифын бодлогоо хэрэгжүүлж  манай урд хөршийн эдийн засгийн өсөлт  нэг нэгж хувиар саарах тооцоолол байна (McKibbin, Hogan, and Noland 2024).

Үр дагаварт нь аж үйлдвэрийн металлуудын эрэлт багасаж, түүхий эдийн үнэ буурч болзошгүй. Энэ тохиолдолд манай улсын экспортын орлого хүлээлтээс хурдтай буурах эрсдэлтэй гэв.