Монголбанкны Мөнгөний бодлогын хорооны ээлжит хурлын шийдвэрийг танилцуулах хэвлэлийн хурал өнөөдөр 14.00 цагт болов. Тус хороо хамгийн сүүлд өнгөрсөн нэгдүгээр сард хуралдаж, дараах шийдвэрийг гаргасан юм.

Энэ  онд эдийн засгийн өсөлт 7-8 хувийн хооронд хэлбэлзэнэ. Өнгөрсөн оны эдийн засгийн өсөлт 4.9 хувь байсан нь бидний төсөөлснөөс доогуур байна. Үүнд хөдөө аж ахуйн салбарын агшилт, малын зүй бус хорогдол, алтны олборлолт буурсан нь нөлөөллөө.

Засгийн газар томоохон төслүүд хэрэгжүүлэхээр төлөвлөсөн ч эдгээрийг дотоодын санхүүжилтээр хэрэгжих боломжгүй. Энэ бүхнийг харгалзан бодлогын хүүг хоёр нэгжээр нэмж, 12 хувь болгожээ.

Инфляцыг нам дор түвшинд хадгалах нь Монголбанкны гол зорилго. Инфляц 9.6 хувьд хүрсэн нь бидний зорилтот түвшин болох 8-аас давлаа. Иймд бодлогын хүүг өсгөв. Их дээд сургуулиудын төлбөр нэмэгдсэн, эрчим хүчний  үнэ нэмэгдсэн нь нөлөөлөв.

Бодлогын хүүг хэвээр хадгалах, заавал байлгах нөөцийн хувь хэмжээг нэмэгдүүлэх тухай өмнөх шийдвэрт юуг тусгасан бэ?

Монголбанкны Мөнгөний бодлогын хороо 2025 оны 1 дүгээр сарын 14-ний өдрийн ээлжит бус хуралдаанаар эдийн засаг, банк, санхүүгийн зах зээлийн өнөөгийн байдал, гадаад орчны эрсдэлийг харгалзан

1. Бодлогын хүүг 10 хувьд хэвээр хадгалах; 
2. Банкнуудын төгрөгийн болон гадаад валютын заавал байлгах нөөцийн хувь хэмжээг 2 нэгж хувиар тус тус нэмэгдүүлж, харгалзан 13, 18 хувьд хүргэхээр шийдвэрлэлээ. 

Жилийн инфляц 2024 оны арванхоёрдугаар сард улсын хэмжээнд 9.0 хувь, Улаанбаатар хотод 9.1 хувьтай гарлаа. Инфляц зорилтын дээд хязгаарыг давахад цахилгаан, мах, импортын барааны үнэ хүлээлтээс давж өссөн нь голлон нөлөөллөө.

Эдийн засгийн өсөлттэй холбоотой дотоод эрэлт, цалингийн өсөлтийн нөлөөгөөр үйлчилгээ, түрээс, импортын барааны үнэ өндөр өсөв. Цаашид төрийн зохицуулалттай үйлчилгээний үнийн өсөлтийг дагасан дам нөлөө, "Эрдэнэс Тавантолгой"-н ногдол ашгийн хуваарилалт, төсвийн зардлын үргэлжилсэн тэлэлт зэрэг хүчин зүйлсийн нөлөөгөөр үнийн өсөлтийн дарамт нэмэгдэхээр байгаа нь мөнгөний бодлогын төлөвийг чангаруулах шаардлагыг бий болголоо.  

Мөнгөний бодлогын төлөвийг чангаруулах шаардлагыг бий болголоо. 

Гадаад, дотоод эдийн засгийн өсөлтийн төлөвт томоохон өөрчлөлт гараагүй ч геополитикийн эрсдэл, тодорхой бус байдал буурахгүй, үргэлжилсэн хэвээр байна. Банкны салбарын зээлийн өсөлт өндөр түвшинд хадгалагдаж байгаа нь хэрэглээний импорт, дотоод эрэлтийг өдөөх, цаашлаад санхүүгийн салбарт эрсдэл хуримтлагдахад хүргэж болзошгүй.  

Иймд мөнгөний бодлогын төлөвийг чангаруулж, эдийн засаг, санхүүгийн тогтвортой байдлыг хангах зорилгоор банкнуудын төгрөгийн болон гадаад валютын заавал байлгах нөөцийн хувь хэмжээг 2 нэгж хувиар тус тус нэмэв. 

Энэхүү шийдвэр инфляцыг дунд хугацаанд зорилтот түвшинд тогтворжуулах, эдийн засаг, санхүүгийн салбарын тогтвортой байдлыг бэхжүүлэх зорилттой нийцнэ. Цаашид гадаад, дотоод эдийн засгийн орчинд гарах өөрчлөлт, инфляц, эдийн засгийн төлөв хэрхэн өөрчлөгдөхөөс хамаарч Мөнгөний бодлогын хороо бодлогын дараагийн алхмыг тухай бүр ав хэрэгжүүлнэ.  

Мөнгөний бодлогын хорооны хуралдааны хураангуй тэмдэглэлийг хоёр долоо хоногийн дараа Монголбанкны цахим хуудаст байршуулна.  

МӨНГӨНИЙ БОДЛОГЫН ХОРОО