Ерөнхий сайд Л.Оюун-Эрдэнийн Саудын Арабын Хаант Улсад хийж буй ажлын айлчлалын хүрээнд Шадар сайд Т.Доржханд тус улсын томоохон бизнес эрхлэгчидтэй уулзжээ.

Уулзалтын үеэр Хамтарсан Засгийн газрын эдийн засгийн бодлого, хөрөнгө оруулалтын орчны талаар мэдээлэл өгч хоёр улсын худалдаа, хөрөнгө оруулалтыг нэмэгдүүлэх талаар санал солилцсон байна.

Тус улсын бизнес эрхлэгчид эрчим хүч, хөдөө аж ахуй, уул уурхайн салбарт хамтарч ажиллах сонирхлоо түлхүү илэрхийлэв. Ялангуяа сэргээгдэх эрчим хүч, халал мах, буудай болон ашигт малтмалын чиглэлд хөрөнгө оруулалт хийх сонирхлоо илэрхийлснийг Засгийн газраас мэдээллээ.

Хоёр улсын Худалдаа хөрөнгө оруулалтын байгууллага болон Худалдаа, аж үйлдвэрийн танхимаар дамжуулж бизнес эрхлэгчдийн зөвлөл байгуулахаар харилцан тохирч хамтарч ажиллахаар болжээ.