Аялал жуулчлалын гол чиглэлүүдийн нэг болох Хэнтий аймгийн Дадал сумын орчимд Онон гол долоодугаар сарын 31-ний өдрийн байдлаар үерийн аюултай түвшинг 1-2 метр даван, эргээсээ хальж огцом үерлээд байна. 

Үерийн улмаас Онон голын гүүрний далан сэтэрч машин техник зорчих боломжгүй болсон ба голын эрэг дагуух айлууд усанд автаж, суудлын машин голд урсжээ.



Онон голын үерийн улмаас Биндэр, Баян-Адарга, Дадал чиглэлийн хөдөлгөөнийг хориглож, Онон голын гүүрийг хаасан байна. 

1990 онд Онон гол Биндэр сумын чиглэлд үерийн аюул түвшинг даван 300 см хүрч үерлэж байсан бол 34 жилийн дараа 305 см хүрч үерлэжээ.