Парис 2024 зуны олимпын чөлөөт бөхийн төрөл өнөөдөр эхэлж, эмэгтэй чөлөөт бөхийн -68 кг жинд Монголын шигшээ багийн тамирчин 2023 оны ДАШТ-ий мөнгөн медальт, 2021 оны Азийн аваргын мөнгөтэй 25 настай Энхсайханы Дэлгэрмаа зодоглолоо.

"Champ-de-Mars Arena" цэнгэлдэхийн "Б" дэвжээний найм дахь барилдаан Э.Дэлгэрмаа болон Токиогийн олимпын хүрэл медальт, 2021 оны Ази, Дэлхийн аварга Киргизийн 24 настай Мээрим Жуманазарова нарын хооронд болов.

Барилдаанд 8-3 харьцаагаар Киргизийн Мээрим ялж шөвгийн наймд шалгарлаа.

Барилдааны явц:

• Мээрим идэвхгүй барилдаанаар торгуулав.
• Торгуулийн 30 секундэд оноо авч чадаагүй тул Э.Дэлгэрмаа 1 оноо авлаа. Тооны харьцаа 1-0
• Э.Дэлгэрмаа ард нь гарч 2 оноо авав. Тооны харьцаа 3-0
• Мээрим давхар хамж 4 оноо авав. Залгуулан эргүүлж хоёр дараалан 2 оноо авснаар тооны харьцаа 8-3
• Цаг дуусав.

Мээрим шөвгийн наймд 2022, 2023 оны дэлхийн аварга, 2021 оны ДАШТ-ий хүрэл медальт Японы Нонока Озакитай барилдана. Хэрэв Мээрим финалд шалгарвал Э.Дэлгэрмаа хүрэл медалийн төлөө дагах барилдаан хийх эрхтэй болно. Тэр болтол хүлээхээс өөр сонголтгүй.

/2024.08.05.23:40. Мээрим шөвгийн наймд Нонокаг ялснаар шөнө 03:00 цагаас Нигери улсын тамирчин, Токиогийн олимпын мөнгөн медальт Блессин Оборудудутай барилдахаар боллоо/